Ḽovha ḓuvha ḽi takadzaho muṱani wa ha Nemukombane nga Mugivhela wa la malo, mashaka na dzi khonanai vha tshi pembelela ḓuvha ḽa Vho-Litshani Nemukombame vha tshi pembela minwaha ya ḓana.
Makhulu Vho-Nemukombame vho bebwa kha kusi kwa Tshitanzhe tsini na Musunda nga ṅwaha wa 1923, kha kusi uku vha touvha tsumbo kha sia ḽau alusa vhana na uvha ṱuṱuwedza kha sia ḽa pfunzo.
Nga murahu ha u ri sia fhano shangoni ha mufarisi wavho munnaavhane Vho-Lungisani Johannes Nemukombane nga ṅwaha wa 1975, Vho-Nemukombane vho sala vha tshi alusa vhana vhavho vha malo vhane vhavha; Sarah (Mainganye), Thihanedzwi, Thanyani, Tshisikhawe, Fhumulani, Mmbulaheni, Ntshavheni na Masala vhe mubebhi e eṱhe.
"Ndo ṱuṱuwedza vhana vhanga uri vha kondelele pfunzo sa izwi ndo vha alusa zwi tshi konḓa sa mubebi e eṱhe," vha ralo. Vha fhedza tshifhinga tshavho tshinzhi vha tshi lima tsimuni ya tsini na muḓi wavho kusini kwa Tshitunguni he vha pfulutshela hone zwa zwino.
Makhulu Vho-Nemukombame ndi muraḓo wa kereke ya Thavhakhulu Reformed Church ire Tshilamba, vho rali avha ḓivhi u nwa halwa vhutshilo havho hoṱhe. Vha muthu ane a takalela mashonzha na mitshelo ya maapula. Vha tenda kha uri muthu u tea u ita nyonyoloso misi yoṱhe hone aye kerekeni Sondaha dzoṱhe.
Thoho ya tshikolo tsha fhasi tsha Lufule, tshire kha gondo ḽa Punda Maria u bva Thohoyandou, ane avha Sarah Mainganye Ravele ṅwana wavho, uri o takala vhukuma u pembela ḓuvha iḽi ḽa mme awe. Hone u livhuwa mudzimu khau aluwa ha mme awe hone u fulufhela uri vha ḓovha na minwe minwaha minzhi vha tshe hone.