Tshiṱori nga: Thembi Siaga. Ṱhalutshedzo nga: Khathutselo Raliphaswa.
Vho dokotela Justice Maluleke vhane vha bva kusini kutuku kwa Mingard kha vhupo ha Elim, vha touvha tsumbo uri muthu ua kona u swika kule ngau ḓi nekedzela kha mishumo yawe, nga murahu hau neiwa ndalukanyo ya uvha dokotela.
Vho- Maluleke vhe vhavha murengisi wa zwiambaro na malabi he vha touḓi gana u dzhena muḓi nga muḓi, vho ṋewa ndalukanyo ya uvha dokotela wa Adiminisiṱirashini ubva kha gudedzi ḽa Yunivesithi ya KwaZulu-Natal. Vho ṱangana na zwikhukhulusi na dzi khaedu kha lwendo lwavho lwa uvha dokotela, fhedzi ngau konḓelela nau ḓi gana havho, vho zwi kona.
Vho-Maluleka vha na ndalukanyo dza tshivhalo dze vha bveledza vha saathu u swika kha ndalukanyo ya vhudokotela uvhu, u fana sa Batshela ya saintsi ye vhai wana nga ṅwaha wa fumi ṱahe fuṱahe-rathi kha gudedzi ḽa Yunivesithi ya Devhula, ndalukanyo ya dipiloma ya pfunzo nga ṅwaha wa gidimbili sumbe kha gudedzi ḽa Yunivesithi ya Nelson Mandela Metropolitan, Masiṱasi ya vhulangi ha vhupo nga ṅwaha wa gidimbili fumithihi kha Yunivesithi ya Free State na vhudokotela ha adiminisiṱirashini nga ṅwaha wa gidimbili fumbili-raru ubva Yunivesithi ya KwaZulu-Natal.
Vho-Maluleke vho ṱangana na dzi khaedu na zwivhanga nga minwaha yavho ya pfunzo, zwi tshi swika na khau ṱahelelwa nga bugu dzau vhala. "Ndo tea u tshimbila na tshifhinga nda shumisa zwishumiswa zwa dzi inthanethe u ṱanḓavhudza nḓivho yanga. U dzulela u ḓi ṱanganyisa na vhanwe vhagudiswa na u guda kha vhane vho fhira hune ndavha hone, zwo nthusa khau wana nau vhona zwikhala zwau ṱanḓavhudza nḓivho yanga," ha amba.
Vho-Maluleke vhari vhovha vha tshi dzulela u lavhelesana na pfunzo dzavho musi vha tshi wana tshifhinga sa izwi vhovha vha tshi tea u langa zwifhinga zwavho zwa uvha mugudiswa, mushumi na uvha na muṱa wavho. "U ṱoda u bva kha vhushai nau ṱoḓa uvha muṱuṱuwedzi kha vhanwe vhathu muvhunduni washu, ndi zwone zwe zwa nṱuṱuwedza uri ndi ḓi imisele kha pfunzo dzanga," vha engedza.
Vho-Maluleke vho wana maanḓa nga kha lutendo lwavho kha mudzimu, na pfunzo dzi ṱuṱuwedzaho dza kerekeni. Vha dovha hafhu vha livhuwa na muṱa wavho vhe vhavha tikedza kha lwendo lwavho.
Nga ṅwaha wa gidimbili sumbe vho shuma kha muhasho wa bveledziso ya vhupo kha vunḓu ḽa Kapa Vhubvaduvha, hune vha shuma sa ṱhoho ya saintsi ya vhulimi. Vha eletshedza vhanwe vhane vha lwa na khaedu kha pfunzo uri lutamo lwavho lwau bvelela lu fanela uvha na maanḓa u fhira khaedu dzine vha ṱangana nadzo. Zwinwe zwifhinga, u bvelela ndi nga u shumesa na usa tenda u laṱela thaula.