Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Vho Noria Mabasa vhane vha ḓivhelwa zwa vhutsila khau vhumba nau vhaḓa vho pfufhiwa vhudokotela ha khuliso nga vha Yunivesithi ya Johannesburg.
Muḓivhi wa zwa vhutsila hau vhumba nau vhaḓa, Vho-Noria Mabasa, vhe vha ṱalutshedzwa sa musuku wa Afrika Tshipembe vho thoma zwa vhutsila ha u vhumba nau vhaḓa nga ṅwaha wa 1974. Fhedzi nga nyimele nga tshifhinga itsho, mushumo wavho wa vhutsila au ngovha u ḓivheaho kha vhathu vha mashango a nnḓa ha Afrika Tshipembe. Mahothi avho au ḓivhea nnḓa ha shango o vulea nga 1985 huna ṱano Johannesburg la BMW Tributaries, he vha dovha hafhu vha endela vhukovhela ha Germany.
Nga tshifhinga itsho, Vho-Ricky Burnett vhane vhavha mulanguli wa ṱano vho fhira maga o vhewaho vha tshi sedza vhutsila ha Afrika Tshipembe, zwe zwavha zwibveledzwa zwo nakaho vhukuma zwa Vho-Noria Mabasa. U bva tshenetsho tshifhinga, vho no ḓi itela dzina nau bveledza zwibveledzwa zwau vhaḓa nau vhumba.
Vho-Mabasa vha ṱuṱuwedzwa nga miloro ine vho makhulukuku waho vha amba navho ngayo kha vhutsila havho. Vho no pfufhiwa zwiphuga zwa lushaka na zwau mona na shango. Kha izwi zwiphuga huna ya Silivhere ya phufho dzi nekedzwaho madzhakanḓila kha zwino na zwila ye vhai pfufhiwa nga ṅwaha wa gidimbili mbili. Vha kovhekana nḓivho yavho na vhaswa.
U pfufhiwa havho vhudokotela ha khuliso nga vha Yunivesithi ya Johannesburg a zwingo mangadza sa izwi vhutsila havho vhu tshi ṱuṱuwedza vhanzhi. Vho pfufhiwa vhudokotela uvhu nga Lavhuraru, la fumi ṱahe nwaha uno.
Nga ha pfufho iyi, vho dokotela vhari vho takala nga khuliso iyi. "Ndi mufumakadzi a bvaho kha muvhundu wa hayani ane ndi ṱangana na zwinzhi zwisi zwavhuḓi fhedzi ndo kona u zwi kunda. Athi muthu o funzeaho fhedzi vho makhulukuku wanga vho nṋea mpho na zwikili zwine nda shumisa u ḓi ṱhogomela. Ndo no endela mashango manzhi, ndi tshi anḓadza mushumo wanga, nḓila ine vhathu vha nṱanganedza ngayo ndi khulwane kha nne. Ndi tshilidzi tsha mudzimu u ḓi wana ndi fhethu hune vhathu u mona na shango vhaa kona u vhona mushumo wanga. U vhaḓa a zwingo leluwa kha nne sa izwi ndo no aluwa," vha amba.
Vho-Mabasa vhari khuliso iyi yo vha ṅea maanḓa uri vha shume vho ḓi imisela khau bveledza zwinwe zwibveledzwa zwa mushumo wavho. "Ndo ṱuṱuwedzea, hone ndo no thoma u shuma kha miṅwe mishumo yanga. Ndi ḓo bvela phanḓa nau tevhedza mbidzo yanga."
Vha livhuwa Yunivesithi nga khuliso iyi nga khuliso yavho.
Vho-Mabasa vha dzula kha kusi kwa Tshino zwa zwino kha vhupo ha Vuwani, hune vha na tshikolo tsha vhutsila. Vha gudisa matshudeni vhutsila hau humba nau vhaḓa.