Tshiṱori nga Victor Mukwevho Ne-vumbani. Ṱhalutshedzo nga Khathutshelo Raliphaswa.
Muimbi wa gospel a ḓivheaho ḽifhasini ḽoṱhe Bishop Fhatuwani Roxley Masevhe vho bvisa aḽibamu ntswa ya gospel ine ya pfi Yesaya 7.
Vho bebwa na u alutshela vhuponi ha Thengwe miṅwahani minzhi yo fhiraho, Bishop Masevhe vhane vha dzulela u mwemwela vho vha vhe kha nḓowetshumo ya muzika lwa miṅwaha ya 47 yo fhiraho nahone vho bvisa nyimbo dza gospel dzine dza vha na bvumo, dzi ngaho Munwe na Munwe u do na Goya, miṅwahani yo fhiraho.
Vho Masevhe vho thoma mushumo wavho wa muzika wa gospel nga nwaha wa 1977 vha rekhoda aḽibamu yavho ya u thoma nga nwaha wa 1978, ine ya pfi Vhudzisani Makhulu vha do ni vhudza.
Kha nyambedzano na vha Limpopo Mirror nga Swondaha ya la 27 Lambamai, Vho Masevhe vho amba uri aḽibamu yavho ya zwenezwino i khou ita magabelo kha nḓowetshumo ya muzika. "U bva tshe ya bviswa, ndo novha na nyambedzano kale kha Phalaphala FM (luraru), Energy FM, KUMKANI FM u bva Kapa Vhubvaḓuvha (Eastern Cape) , na K FM u bva Mpumalanga," vho ralo.
Vho engedza nga uri nga nthani ha u ḓivhea ha aḽibamu iyi, vho vha vho vhetshelwa uvha na nyambedzano nga Lesedi FM mafheloni a vhege yo fhiraho.
Vho Masevhe vho ita ṱhoho dza mafhungo kha nḓowetshumo ya muzika nga nyimbo dzavho dza dzi ngaho Li ada duvha (Ḓuvha ḽa Khaṱhulo ḽi khou ḓa) na Goya nga vho 1980s. Li ada duvha ḽo vha ḽi tshi nga luimbo lwa lushaka kha Muvhuso wa kale wa Venda wa(Bantustan) nahone ḽo shumiswa nga kereke dzi ṱoḓaho u vha dzoṱhe dzapo u humbudza vhagudiswa uri vha dzule vha tshi rabela sa izwi hu si na ane a ḓivha uri Ḓuvha ḽa Khaṱulo ḽi ḓo ḓa lini.
Vha dovha vhavha mutambi wa vhukoni kha tshiṱeidzhi nahone tshifhinga tshoṱhe vha kokodza vhathu vhanzhi hoṱhe hune vha tamba hone.
Aḽibamu iyi i do rwela ṱari lwa tshiofisi ngei Lathavha Garden and Picnic Site nga Mugivhela wa ḽa 3 Shundunthule.