Ṱshitori nga Kaizer Nengovhela. Ṱhalutshedzo nga Khathutshelo Raliphaswa.
Muhashi wa mbekanyamushumo ya Ndevhetsini kha Phalaphala FM Thambatshira Ndadza o pfufhiwa hafhu nga tshiphuga tsha uvha muṅwali wa khwine kha pfufho dza The Book Behind Awards (TBBA) nga kha bugu yawe ntswa ya zwirendo ya luambo lwa Tshivenda.
Ndadza,ane a bva Hamatsika kha vhupo ha Malavuwe, o kunda kha tshiteṅwa tsha bugu ya khwine ya Tshivenda kha bugu yawe ya vhuṋa ntswa ntswa, ine ya vhidziwa Zwirembiluni. Vhuṱambo ha dzi pfufho ndi he ha farelwa Pietermaritzburg, kha vundu la KwaZulu-Natal. Ndi vhuṱambo he ha farwa nga Mugivhela wa ḽa ṱahe Lara.
Bugu iyi ine yavha na zwirendo zwi paḓaho 98, ndi ya zwirendo zwine zwa amba nga ha khaedu dzine vhathu vhavha vha tshi khou ṱangana nadzo ḓuvha ḽiṅwe na ḽiṅwe, u fana na khakhathi dza miṱani dzo ḓi sendeka kha mbeu, vhufhura, dzi mpfu, dzi khakhathi dza mashango, vhupombwe, u konḓelela na uvha vhahali.
Miṅwedzi miraru yo fhiraho, Ndadza o dzhielwa nṱha kha pfufho dza AfriCAN Honoree Authors Awards, dze dza farelwa Sandton nga kha bugu yavho ya vhuraru, bugu ya Tshivenda ine ya vhidziwa Dambuwo Li Si Na Muratho. Bugu iyo yo wana tshiphuga kha tshiteṅwa tsha bugu dzau dzikusa vhupfiwa :kha luambo lwa Tshivenda'.
Ndadza uri ikunda ngakha tshiphuga itshi luvhili kha ṅwaha ndi zwine zwa fanela u pembelwa. "U pfufhiwa nga heyi nḓila zwi amba zwinzhi, zwihulu kha nne sa muṅwali ane a khou takuwa. Zwi sumbedza uri hu na nyaluwo ire hone. Zwi dovha hafhu zwa nṱuṱuwedza khauri ndi bvele phanḓa nau ṅwala nga Tshivenda, luambo lwanga lwa ḓamuni. U pfufhiwa pfufho mbili dza bugu kha ṅwaha muthihi zwi sumbedza nyaluwo ine nda khou ya khayo sa muṅwali. Ndi pfa ndo hulisea, hone thi ngaḓo sedza murahu," Ndadza uamba.