Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Vhadzulapo vha Waterval vho tshuwa nga murahu hau wanala ha tshitumbu tsha mufumakadzi a bvaho Ha-Bungeni e avha o ngalangala lwa vhege, tshitumbu tsho wanala nga Mugivhela wa ḽa fumbili mbili Lambamai.
Vho-Tinyiko Baloyi vha minwaha ya fuina ina, vhovha vha tshi shuma sa mulindi, vho bva hayani vha tshi ya mushumoni fhedzi vhasi swike mushumoni. Vha muṱa vho vhilaela vha ya u vha vhiga sa muthu o ngalangalaho mapholisani nga Lavhuvhili ḽa fumi malo Lambamai.
Tshitumbu tsha Vho-Tinyiko tsho wanwa nga mufhiri wa bada vha vhupo ha Hillside a vhiga kha mapholisa nga tshihaḓu. Vho-Tinyiko vho wanala vha na mafuvhalo kha ṱhoho.
Vha muṱa wa ha Baloyi vhari vha khou kundelwa u ṱanganedza lufu lwa Vho-Tinyiko hone vha lavhelela dzi phindulo nga bulayo ḽavho. Muambeli wa muṱa Vho-Sheila Mathevhula, vhari khombo iyi yo vhaisa vha muṱa. "Vhovha vha mufumakadzi ane a ṱhogomela vhana vhavho na vhare tsini navho. Nḓila ye vha lovha ngayo i ari vhaisa vhukuma, sa izwi vhovha vha sina mathada na muthu vha tshi takalela vhathu,"
Vho-Sheila vhari vha fulufhela uri mapholisa vha ḓo wana vhathu vho vhulayaho Vho-Tinyiko, fhedzi nyimele i khou konḓa sa izwi vhuṱanzi vhu sa fushi. "Zwi ḓo konḓa sa izwi ri khou lengiswa. Zwa zwino ro lindela ndingo dza malofha ri sa athu uvha vhulunga. Ari ḓivhi ndi ngani sa izwi ro vha sumbedza zwifanyiso zwa Vho-Tinyiko na vhuṱanzi vhu fushaho," vha amba.
Muambeli wa mapholisa a vunḓu ḽa Limpopo, Lt Col Vho-Malesela Ledwaba, vho khwaṱhisedza uri mapholisa a tshiṱitshi tsha Waterval vho vula mulandu wa bulayo na ṱhoḓisiso dzi khou bvela phanḓa.