Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Mirado ya tshitshavha na vharangaphanda vha sialala vha si gathi vha bvaho kha tshitiriki tsha Vhembe vho kuvhangana luvhanḓeni lwa Tshifulanani nga ḽau thoma ḽa Ṱhafamuhwe u vhona u vhewa ha muhulwane muswa wa muvhundu wa Lwamondo Mathule.
Vhamusanda Vho Thivhonali Mulaudzi vho vha vhakhiu rwelwa tari lwa tshiofisi sa muhulwane musi hu na vhanwe vharangaphanda vha sialala afho vhuṱamboni, vho rapolotiki vhapo navho vhovha vhe hone, na maḓana a vhathu vha tshitshavha u bva kha vhupo ha tsini.
U aniswa, Thovhele Vho Calvin Nelwamondo vho ṱalusa tshiitea itshi sa mathomo a ndima ntswa kha vhurangaphanḓa ha muvhundu. Vho khoḓa khotsi vho dzamaho vha murangaphanḓa muswa nga ṅwambo wa u ḓikumedzela havho kha mveledziso ya muvhundu wa Mathule nahone vha ṱuṱuwedza Vho Mulaudzi uri vha bvele phanḓa na ifa ḽa munnaavhane muṋe wavho.
"Ri ṱoḓa mveledziso kha vhupo hashu, nahone ro ranga phanḓa nga u thoma phurojeke dzine dza ṱuṱuwedzwa nga vhadzulapo. Ri fulufhela uri vha ḓo fhaṱa kha vhuḓidini uhu, u itela uri vhathu vhavho vha kone u vhuelwa nga vhuḓalo nga dimokirasi," vha amba.
Vho ita khuwelelo kha murangaphanḓa muswa uri a vhee phanḓa ṱhoḓea dza vhashai na u ṱuṱuwedza tshitshavha uri tshi ṋetshedze thikhedzo yavho yo fhelelaho na ṱhonifho kha muhulwane wavho. Vho dovha vha eletshedza Vho Mulaudzi uri vha shumisane na muvhuso u isa phanḓa vhukando ha mveledziso.
Vhamusanda Vho Mulaudzi vho talutshedza mushumo uyu sa mushumo wa ndeme kha vhathu vha havho na u ṱanganedza khaedu dzine dza khou ḓa kha zwifhinga zwi ḓaho. Vho amba uri zwithu zwine vha zwi vhea phanḓa nga u ṱavhanya ndi u dzhenelela kha vhalanguli vho teaho u itela u leludza mveledziso ya muvhundu.