Tshiṱori nga: Miss Soutpansberg. Ṱhalutshedzo nga: Khathutshelo Raliphaswa.
Vha thimu ya #PaintTheTownBlue vho vha vho bva fulo ḽa u ṱoḓa vhonyalunako uri vha dzhenelela muṱaṱisano wa vho nyalunako nga ḓuvha ḽa u pembela vhafumakadzi ḽo fhiraho. Muṱaṱisano uyu wa vhonyalunako ndi wa Miss Soutpansberg une wa ḓo farelwa holoni ya Fransie Vermaak ire Tshitandani nga ḽa ṱahe Nyendavhusiku ṅwaha-uno.
Thimu iyi ire na miraḓo i katelaho Wilmarie Mudubhi, Sankofa Khumalo na Miss Soutpansberg wa 2023, Ellah Munyai, vho bva fulo iḽi nga murahu ha nyambedzano ya mulangi wavho Vho Jerry Makananise na vha Makhado FM 107,3. Vho vha vha tshi ṱoḓa u ṱuṱuwedza vhaswa na vhana vhaṱuku vhane vha takalela u dzhenelela muṱaṱisano uyu, vho vha vha khou netshedza zwidodombedzwa nga vhuḓalo, u thusa u ḓi ṅwalisa na u fhindula mbudziso dzine vha ngavha vhe nadzo nga ha muṱaṱisano uyu.
Uri muthu a wele kha vha khwine vha Miss Soupansberg, u tea uvha e na minwaha ya u fhira miṱanu, hone uri avhe Ms Southpansberg zwo vhetshelwa vha minwaha ya u fhira fumbili-ṱhanu.
U ḓi ṅwalisa, muthu u dzhena kha siaṱari ḽa Facebook ḽa Miss Southpansberg, vha dzhena kha ḽinnki ire kha bio, vha ḓi ṅwalisa na u rumela zwidodombedzwa zwa mbadelo kha misssouthpansberg@gmail.com kana vha rumela kha Whatsapp kha 072 745 9251 hu na dzina na tshifani, minwaha na tshinepe, na vhuṱanzi ha mbadelo.
Pfufho dza u fhambana dzi ḓo avhelwa vhane vha ḓo wina, na mabindu a tshivhalo vho lambedza muṱaṱisano uyu hu tshi katelwa Best Drive ya Tshitandani na Ocean Basket ya Tshitandani.
Vha thimu ya Miss Southpansberg vha ḓo dovha hafhu vha vhuya mavhengele tserekano a Makhado nga ḽa ṱahe Khubvumedzi u bva nga awara ya vhufumi-na-nthihi u swika nga awara ya vhuna mathabama.