Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Vha mabindu maṱuku tshiṱirikini tsha Vhembe vho ṋeiwa tshikhala tsha u sumbedzisa zwibveledzwa na mabindu avho kha ṱano ḽa Rand ḽe ḽa farelwa Gauteng, Nascre u bva nga ḽa rathi u swika nga fumi Lambamai, Vho neiwa tshikhala itshi nge vha Masipala wa Thulamela vho farisana na vha Masipala wa tshiṱiriki tsha Vhembe vha renga vhupo kha ṱano iḽo. Ṱano iḽo ḽa Rand aḽi touvha ḽire na minwaha ḽi khou itea kana lihulwane fhedzi fhano Afrika Tshipembe, ḽi dovha hafhu ḽavha line ḽa nea vhoramabindu tshikala tsha u sumbedzisa vhukoni na zwibveledzwa zwavho khwine kha vhathu vha maḓana na maḓana.
Vho-Divhani Dagada, vhane vha vha mulangi na mune wa Laranatha Herbal Tea, vho livhuwa muvhuso na vha ṱano la Rand kha u nea vhoramabindu tshikala itshi. "Ri livhuwa ṱano iḽi nga tshikhala tshau sumbedzisa zwibveledzwa zwashu. Zwo ri thusa kha u ṱangana na vhathu vhane vho sia maga kha mabindu ashu."
Vho-Dovhani vha dovha hafhu vha livhuwa vharengi vhoṱhe vhane vhavha ṱikedza kha mabindu avho. "Innwe ya dzi nḓila dzau rengisa nau anḓadza zwibveledzwa sa ramabindu ndi kha ṱano ḽo raliho," vha engedza.
Muraḓo wa khoro ya Masipala wa tshiṱiriki tsha Vhembe, Mukhantshelara Vho-Rose Mathukha, vho ṱuṱuwedza vhaswa uri vha thome mabindu avho u lwa na vhushai. "Muvhuso u fanela u thusa vhaswa kha u alusa mabindu avho nga masheleni, hone vhaswa vha fanela u thanyela u shumisa masheni aya kha u thoma mabindu avho," vha amba.