Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Vhuṱambo ha vhonyalunako he havha ho lindelwa ha Miss Mulima 2023/24 ho farwa nga ḽa fumbili-na-raru Nyendavhusiku mahola, hone ho farelwa tshivhidzoni tsha Hope of Glory ngei Hamulima.
Naho hovha na dzi khaedu dzedza ṱoḓa uvha kombetshedza u litsha u fara vhuṱambo uho, vho kona u swikelela uvha naho. Mutumbuli kana mufara bono wa muṱaṱisano uyu, Vho Marupene Mashakwa vhari ndivho ya muṱaṱisano uyu ndiu ṱuṱuwedza vhaswa uvha na vhuḓifhinduleli na vhuḓifulufheli kha vhone vhane. Vhanwe vha vhaeni kha uvho vhuṱambo hovha Vho Major Moroka vha tshivhidzo tsha House of Models and Projects, Miss Tshiphuseni, Ntwanano Baloyi, na Miss Mulima 2020/21 ane avha Cherubim Ngobeni.
Vhasidzanyana vhasumbe vhevha vho dzhenelela muṱaṱisano uyo vhavha vhone vha khwine, vho ita ṱano phanḓa ha vhahaṱuli na tshigwada tsha vhathu vho takalaho vhukuma. Nga murahu ha ṱano iḽo, dakalo ḽo anda musi hu tshi ḓivhadzwa vhe vha wana vhuimo ha nṱha.
Thalukanyo Maduwa wa minwaha ya fumi-na-malo a bvaho Vuwani ofusha vhahaṱuli lwe avha ene khosikadzi kha muṱaṱisano uyu a dovha hafhu avha mukundi kha khetho dzedza khethwa nga tshitshavha. O pfufhiwa masheleni a swikaho R1,200, ṱhanziela, na dzi mpho. Hulisani Mutholini (22) a bvaho Sereni ovha ene wa khwine wa vhuvhili , ngeno Vhutshilo Selapyana (21) a bvaho Hamashamba ovha kha vhuimo ha vhuraru. Vhuvhili havho vho pfufhiwa dzi ṱhanziela na dzi mpho.
Vho Moshakwa vhari vhovha vho takala vhukuma uri naho vho ṱangana na dzi khaedu, zwoṱhe zwo tshimbila zwavhuḓi. "Ri pfa ri tshi livhuwa vhathu vhoṱhe vhe vha kona u shela mulenzhe kha uri vhuṱambo hashu vhuvhe havhuḓi. Ari nga ḓori zwovha zwo leluwa, fhedzi ro zwi kona. Vhe vhavha vha kundi vha ḓo dalela zwikolo u bva nga ṅwedzi wa Luhuli sa nḓila yau vhuyedza kha tshitshavha, ri fulufhela uri vha ḓo ṱuṱuwedza vhagudiswa nga nḓila dzavhuḓi," vha amba.