Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Nga Mugivhela wa ḽa ṱhanu Thangule, tshikoloni tsha Ridgeway College ngei Tshitandani, hovha na vhuṱambo ha u pfufhiwa vhoralunako kha muṱaṱisano wa vhoralunako. Lehlogonolo Nkhumise na Makungu Manhengeni vho dzhia vhuimo ha u thoma kha zwitenwa zwavho.
Makungu o fhelekedzwa nga Muimeleli Tsesi, wa vhuimo ha khwine ha vhuvhili na Charity Mashige wa vhuimo ha khwine ha vhuraru. Simango Simango o dzhia vhuimo ha khwine ha vhuvhili u tevhela Lehlogonolo, ngeno Mpho Nare o dzhia vhuimo ha vhuraru ha khwine.
Muṱaṱisano uyu wovha una tshitenwa tsha vhoralunako vhaṱuku. Kha tshitenwa tsha vhaṱuku, vhe vha dzhia vhuimo ha u thoma ndi Nhlalala Manhengeni, a tevhelwa nga Odzulaho Mutobvu, na Khumo Mashaba kha vhuimo ha vhuraru. Kha tshitenwa tsha vhatukana mutevhe wovha: Pieterson Ditebogo kha vhuimo ha u thoma, Bongani Makhuba kha vhuimo ha vhuvhili na Khumo Mashaba kha vhuimo ha vhuraru.
Makungu ovha o ḓalelwa nga dakalo fulu nga gundo ḽawe. "Ndovha ndo takala nga u kunda kha muṱaṱisano uyu wavhoralunako, hone nga tshilidzi tsha Mudzimu ndo kona u wana gundo ḽanga. Naho muṱaṱisano uyu wovha u takadzaho, mutsiko wawo wovha u munzhi sa izwi vhoralunako vhoṱhe vho dzhenelelaho vhovha vho ḓi imisela, fhedzi ndo kona u ḓi langa na uvha na vhuḓifulufheli," a amba.
Uvha ralunako kha Makungo zwi touvha dzangalelo ḽawe. U takalela u vhoniwa nga vhathu, zwimu thusa kha uvha na vhuḓifulufheli kha ene muṋe. "U bva vhuṱukuni hanga, ndovha ndi tshi takalela uvha ralunako, fhedzi masiandoitwa azwo ovha a tshi nthivhela u vhuya u swika zwino ndi tshi kona u ḓi imisa ndavha muthu ane a ḓi fulufhela," a engedza.
Makungu uri u na muḽoro wa uvha Miss Afrika Tshipembe kana Miss Universe nga ḽinwe ḽa maḓuvha.