Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Vhadzulapo vhane vha wela fhasi ha vhurangaphanḓa vhavhupo ha Netshimbupfe, Masia na Makumbane fhano vunḓuni ḽa Limpopo, khathihi na Muṱa wa Vhuhosi wa Duma-Mthombeni ubva vunḓuni ḽa KwaZulu-Natal, vho vhetshelwa u vhuelwa nga vhurangeli vhuswa ha mveledziso ya lushaka lwoṱhe une yavha hone zwa zwino kha vhupo uho huvhili ho faranaho zwanḓa.
Vhufarisani ha vhurangaphanḓa uhu ha ubva kha mavunḓu mavhili au fhambana hovha thendelano lwa tshiofisi nga u sainawa ha thendelano ya u pfesesana (MoU) nga tshifhinga tsha u kuvhangana ha ḓivhazwakale ngei khoroni ya Tshimbupfe nga Mugivhela, wa ḽa 24 Shundunthule. Thendelano, yo yo farwaho nga fhasi ha vhurangaphanḓa ha Thovhele Vho Advocate Tshedza Netshimbupfe, tsho swaya tshipikwa kha tshumisano ya sialala na u takuswa ha vhupo ha mahayani.
Muambeli wa nnḓu ya vhuhosi ha Netshimbupfe Vho Khotsimunene Tsedzumbupfe vhari thendelano yo ṱanganya lushaka lwa Gwamasenga - yo imelwaho nga nnḓu dza vhuhosi dza Netshimbupfe, Masia na Makumbane - na lushaka lwa Dumisa, lwo imelwaho nga muṱa wa muta wa vhuhisi ha Duma-Mthombeni. Vhuvhili ha tshaka dzi tevhela vhubvo hadzo kha vhathomi vha ṱhonifheaho, Gwamasenga na Dumisa.
"Heyi thendelano i sumbedza mvusuludzo ya mveledziso yo katelaho na mvusuludzo ya mvelele'," vho ralo. Naho hu nnḓu tharu dza vhuhosi fhedzi dzi bvaho kha lushaka lwa Gwamasenga dze dza saina thendelano, dziṅwe dza ṱahe dzi khou lavhelelwa u ṱanganela. Nnḓu dzoṱhe, o ombedzela, dzi na vhuimo vhu linganaho fhasi ha bono ḽa u thoma ḽa Gwamasenga.
Thendelano i sumbedza tshumisano kha sekithara dzo vhalaho, hu tshi katelwa mveledziso ya mabindu, u vhulungiwa ha mvelele, vhugudisi na vhugudisi ha vhukoni u vhulunga mupo hashu, na u ṱuṱuwedza vhuendelamashango.
"Heyi thendelano i fhira ḽiṅwalo - ndi tshiga tsha vhuthihi na bono," hu zwa Thovhele Netshimbupfe. "Sa vharangaphanḓa vhaswa vha mvelele, ri tea u ranga phanḓa zwitshavha zwashu kha nyaluwo yo katelaho, u ḓikukumusa ha mvelele na u ṋetshedzwa maanḓa ha ikonomi."
Vho Abednego Vulinqondo Duma, vha tshi khou zwa vho imela Trust ya Muṱa wa Amadumisa, vho sumbedza u livhuwa mafunda o ṱanganedzwaho na u khwaṱhisedza vhuḓikumedzeli ha lushaka lwa Dumisa kha u shumisana lwa tshifhinga tshilapfu.