Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Funanani Tshithukhe wa minwaha ya fumbiliiṋa, u bva kusini kwa Ha-Mphego ane a ḓivhelwa vhutsila hau ola nga penisela, o kunda kha muṱaṱisano wa vhutsila we wa farelwa gudedzini ḽa Vhembe TVET nga ḽa fumbili sumbe Shundunthule.
Muṱaṱisano uyu wovha wo dzhenelelwa nga vhatsila vhatshinnani na vhatshifumakadzini, hone Funanani o takala vhukuma a tshi kunda kha muṱaṱisano uyu. "Ndo pfa ndo hulisea vhukuma. U kunda hanga hu touvha ṱanziela ya usa nyama hanga kha zwine nda zwi takalela," a amba.
Lwendo lwa Funanani lwa uvha mutsila, lwo simuwa nga ṅwaha wa gidimbili fumi malo, e tshikoloni tsha nṱha tsha Thivhilaeli, ndi he a touḓi funga kha u ṱuṱula vhutsila hawe sa izwi hu zwine azwi funesa. Funanani uri hune a wana ṱhuṱhuwedzo nau maanḓafhadzea kha vhutsila hawe ndi musi e kha nzulele ya vhupo. U takalela hawe u ola nga ha dzi phukha dza ḓakani, na zwinwe zwine asi vhathu ndi u itela u ṱanḓavhudza vhutsila kha zwine zwo no ḓowelea kha vhatsila. Ndivho yawe ndi yau takusa vhanwe vhatsila ngae ngau kovha vhutsila hawe.
"Ngau vhona uri vhunzhi ha vhafumakadzi avha dzhieli nzhela zwa vhutsila nau shela mulenzhe khazwo, ndi ṱoḓa u vha ṱuṱuwedza uri vha kone u vhona zwikili zwine vha vha nazwo. U bveledza vhutsila hanga ndi zwa ndeme, zwihulu musi ndi tshi khou ola nga ha nzulele yashu," a amba.
Zwa zwino Funanani u kha ṅwaha wawe wa vhuvhili hau gudela zwa vhulimi gudedzini ḽa Mashamba TVET. Sa vhatsila vhanzhi, ono ṱangana na dzi khaedu nnzhi na uḓi tima-tima kha lwendo lwawe. Naho zwo ralo, Funanani hango tenda u nyamiswa nga zwikhukhulisi izwo, o shuma na uḓi imisela kha mushumo wawe, a dzhia vhunzhi ha zwikhakhulisi zwe a ṱangana nazwo sa ṱhuṱhuwedzo kha mushumo wawe. "Nga u ola hanga, ndia kona u shela mulenhze kha nḓowetshumo ya vhutsila," a amba.