Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Vongani Maimele wa minwaha ya fumbili malo, wa u bva kusini kwa Ha-Majosi, nnda nyana ha Giyani u khou ḓi sikela dzina nga vhutsila hawe hune a ola nau pennda zwifanyiso nga ha zwine ra ṱangana nazwo ḓuvha ḽinwe na ḽinwe hu tshi katelwa na dzi khaedu. Mutsila uyu u shumisa maanḓa a vhutsila u ṱahisa nyimele na nzulele dza vhathu kha maseila.
Maimele u bveledza vhutsila hawe nga uvha na vhusedzi kha nḓila dzine vhathu vha tshila ngadzo kha vhutshila ha namusi. Zwa zwino u bveledza vhutshila hawe ngau sedza nḓila dzine dza vhumba matshilo a vhathu nga zwileludzi zwa vhudavhidzani na khaedu dzine vhaswa vhe vha bebwa nga minwaha ya u thoma kha wa gidimbili vha ṱangana nadzo. Vhutsila vhune a khou ola nau pennda zwa zwino ndi vhune a ḓo vhu bveledzisa kha ṱano ḽa vhutsila line ḽa ḓo farwa ṱhietha ya lushaka ya Afrika Tshipembe nga ṅwedzi wa Khubvumedzi ṅwaha-uno.
Dzangaleleo lawe kha vhutsila ḽo simuwa a tshi muṱuku, ṅwaha wo fhelaho o ṋeiwa ṱhanziela ya dipiloma ya vhutsila u bva gudedzini ḽa Tswane Yunivesithi ya Thekinolodzhi.
Maimele u ṱalusa vhutsila hawe sa mbidzo yawe, u fhira uvha dzangalelo unga kha vhunzhi ha vhathu. O wana ṱhuṱhuwedza kha mushumo wa vhutsila ha Percy Maimele, we a ṱangana ngawo e kha zwileludzi zwa vhudavhidzani 'Facebook' a tshe mugudiswa wa gudedzi ḽa Yuniversity ya Free State.
U anḓadza vhutsila hawe kha vhunzhi ha maṱano, zwo alusa dzina ḽa Maimele kha nḓowetshumo ya vhutsila. Kha lwendo lwawe sa mutsila, o no ola na u pennda vhunzhi ha vhaḓivhalea, hu tshi katelwa na mutambi wa bola wa Afrika Tshipembe, Junior Kanye na mune wa Masingita group Vho-Mike Nkuna. Maimele o ṋeiwa tshikhala tsha khuliso nga uvha munwe wa vhahaṱuli vha muṱaṱisano wa vhutsila we wa farelwa sekhethe ya Hlanganani vunḓuni ḽa Limpopo, kha tshikolo tsha fhasi tsha Khaphakhapha.
Maimele una dzanganao ḽawe ḽa V-Art ve a ḽi thoma minwaha mivhili yo fhelaho hu u itela u takusa na u bveledzisa vhutsila ha vhane vha bva zwisini zwi fanaho na Ka-Majosi.