Ṱhalutshedzo nga Khathutshelo Raliphaswa.
Vha muṱa wa ha Magoro vha ita khuwelelo ya u elelwa masalayo a Magoro Kha tshiwo tshe tsha sia tshitshavha tsha Tshitanini, nnḓa nyana ha ḓorobo ya Thohoyandou, vho mangala, nwana wa maduvha matanu we a vha o laṱiwa mugodini o ponyoka nga lwa vhuṱolo nahone a tshidzwa.
Tshiwo itshi, tshine tsha kha ḓivha milomoni ya vhathu , tsho itea nga Mugivhela, ḽa 4 Tshimedzi, nga awara ya vhumalo.
Mafhungo ane a khou leleda tshitshavhani a sumbedza uri hu pfi mufumakadzi o beba nahone nga murahu a posa ṅwana ane a kha ḓi tou bva u bebwa mulongani wa bunga wa dindi. U shuma kha u luṅwa nḓevhe u bva kha vhadzulapo, mapholisa vho ya kha muṅwe muṱa wa muvhunduni uyo, he ha dou vhidzwa na vhashumi vha zwa ngalafho. Vho mbo ḓi dzhena dindini nahone vha bvelela kha u phulusa ṅwana kha thulwi ya malaṱwa a vhathu.
Muambeli wa SAPS kha tshiṱiriki tsha Vhembe W/O Vho Vuledzani Dathi vhari ṅwana ovha kha di tou bva u bebwa a kha ḓi tshila musi a tshi wanala fhasi ha bunga ḽa dindi.
"U bva tsheetsho ro fara mufumakadzi wa miṅwaha ya 38 ane a vha mme a lushie. Mukombo wa ṅwana wo vha wo no fhungudzwa, nahone ṅwana o vha e na luswayo lwa u bvisa ṱhoho kha phanḓa. Mme a ṅwana u ḓo ḓivhonadza phanḓa ha Khothe ya Madzhisiṱiraṱa ya Thohoyandou nga tshifhinga tsho teaho, o sedzana na milandu ya u sa ṱhogomela ṅwana na u lingedza u vhulaha," vho ralo.