Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Vhadzulapo vha kusi kwa Tshaulu Tshilapha vho sinyuwa zwi tshi tevhela u ngalangala ha mutukana, Rilise Munyai, wa minwaha ya sumbe, we a ngalangala ana makhulu awe vhamuklaha masimuni vha tshi khou lisa dzi kholomo nga Mugivhela wa ḽa fumbilisumbe Shundunthule.
Rilise o fhedzisela u vhonwa ana makhulu awe, Vho-Thifhelimbilu Netshilahala (vha minwaha ya furathi), nga masiari, vhe vha mu sia e eṱhe vha tshi tevhela kholomo tsini na mulambo wa Luvuvhu. Vhori vha tshi vhuya vha wana Rilise o ngalangala na luṱingo lwavho. Vhadzulapo vho lingedza u ṱoḓa Rilise masimuni fhedzi mashudu mavhi, Rilise o ngalangala.
Tshiwo itshi tsho vusa nyofho kha vhadzulapo sa izwi ṅwaha wo fhelaho, vhana vhavhili vho phuluswa zwanḓani zwa munna wa mubvannḓa atshi lingedza uvha thuba masimuni.
Ubva Musumbuluwo, vhadzulapo vho sinyuwa lwe vha fhisa mathaila nau tshinyadza dzi bada kha kusi uku, he mapholisa vha tea uḓa u leludza nyimele fhedzi vha konḓiselwa nga vhadzulapo. Nga Lavhuvhili ho farwa muṱangano he vhadzulapo vho sinyuwaho vha tshi vhila dzi phindulo kha makhulu a Rilise, vhe vha fhedza ngau dzhiiwa nga mapholisa.
Vha khoro ya musanda vhari tshiwo itshi tsho shusha vhathu vhukuma. "Ri aḓi vhudzisa uri ndi ngani mukalaha vha tshi sia ṅwana mungafha e eṱhe masimuni, hone founu ye a ngalangala nayo, i khou fhindulwa nga muthu ane a pfala a mubvannḓa. Izwi zwoṱhe zwi tou engedza u sinyuwa ha vhadzulapo kha vhabvannḓa. Ri tou takala uri mapholisa vha khou thusa, hone ri fulufhela uri vhaḓo wana Rilise," vha amba.
Zwa zwino mapholisa a Tshaulu vha khou ṱoḓana na Rilise hone vha humbela uri vhadzulapo vhavha thuse nga hune vha kona. Rilise o fhedzisela u vhonwa o ambara zwiambaro zwitsuku.
Muambeli mufareli, sedzheni Vho-Vhonani Lokie Masia vho khwaṱhisedza uri ho vulwa mulandu wa muthu o ngalangalaho, ṱhoḓisiso dzi khou bvela phanḓa. "Ri humbela uri are na vhuṱanzi kana ane a nga ri swikisa hure na ṅwana uyu nwana na vha thumbi vha we, a kwame Vho-Thifhelimbilu Netshilphala kha 071 161 6075 kana 071 157 0053. Vha nga founela na mulanga tshiṱitshi Vho-Zwiitani Laughter Munyai kha 082 565 7270/ 064 756 8174/ 015 978 4001. Kana vha vhige kha thiṱitshi tshire tsini na hune vha dzula hone," vha amba.