Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Tshiṱitshi tsha radio tsha Maxelo Radio, tshire Ha-Malamulele, tshe tsha thoma u hasha nga Luhuhi ṅwaha-uno, ndi hune Zanele "Mazet" Chauke a khou ḓi sikela dzina sa muhashi.
Mazet wa minwaha ya fumbilirathi u hasha Maxelo Drive u bva Musumbuluwo u swika Lavhuṱanu ubva nga awara ya u thoma u swika ya vhuraru. U takalela nau funa mushumo wawe tshiṱitshini. "U shuma fhano ndi tshikhala tshavhuḓi kha nne na vhanwe vhahashi vhe raḓa u guda fhano nga Fulwana 2022. Rovha vha mashudu uri ro gudiswa nga Vho-Mandla Mchavi, vhane vhavha mulangi washu, vha dovha hafhu vhavha mutumbuli wa tshiṱitshi itshi sa izwi hovha husina tshiṱitshi tsha radio kha muvhundu washu," a amba.
Mazet o bebwa nau aluswa kha kusi kwa Muchipise, tsini na Ha-Malamulele. O ṱhaphudza pfunzo dzawe gudedzini ḽa Yunivesithi ya Mpumalanga he a gudela zwa zwavhudavhidzani. Zwa zwino u kha gudedzi ḽa Yuniversity ya Afrika Tshipembe, u khou gudela Criminal Justice.
U ṱuṱuwedzwa nga muhashi wa tshiṱitshi tsha Munghana Lonene kha mbekanyomushumo ya Swarisima, Khensani Nyango. U fulufhela uri linwe ḽa maḓuvha u ḓovha muhashi ane a ḓivhea khwine u fana na Nyango, hone u tama uri linwe ḓuvha a shume kha tshiṱitshi tshithihi na Nyango.
Mulangi wa tshiṱitshi tsha Maxelo, Vho-Mandla Mchavi, vhari muhumbulo wau thoma tshiṱitshi kha muvhundu wavho hovha huu ṱoḓa u nea vhaswa vhare navhukoni tshikhala tsha u ḓi sumbedzisa ngakha u hasha. "Radio ya muvhundu ndi fhethu havhuḓi hune vhaswa vhaa kona u thoma uvha na vhumatshelo kha nḓowetshumo ya khasho. Radio yashu naho i ṱhukhu, ro no kona uvha na vhathetshelesi vha swikaho zwigidi zwa fuṱhanu," vha amba.