Tshiṱori nga: Ramafhungo washu. Ṱhalutshedzo: Khathutshelo Raliphaswa.
Vha nyanḓadza mafhungo vha gurannda ya Limpopo Mirror na ya Zoutpansberger vho fhufhisa fuḽaga ya Vhembe nṱha vha tshi kumba pfufho dza tshivhalo dza nṱha kha pfufho dza ṅwaha na ṅwaha dza AVBOB FCJ Excellence. Vhuṱambo uvhu ha dzi pfufho vhune havha ha u hulisa vha nḓowetshumo ya vhoramafhungo, ho farelwa hodelani ya Cape Sunire Kapa nga Lavhuṱanu ḽa vhege yo fhiraho.
Vha foramu ya vhoramafhungo vha vhupo (FCJ) vha fara muṱaṱisano uyu ṅwaha na ṅwaha, une wavha wo nṱhesa hone wa vhuṱhogwa kha sekhithara ya vhoramafhungo vha vhupo. Vhoramafhungo na vhavho ramafhungo vhafodi ubva kha gurannḓa ṱhukhu dzo fhambanaho u mona na shango.
Kha muṱaṱisano wa ṅwaha uno, hovha na u ṅwalisa ha vhathu vha swikaho maḓana maṱanu, ine yavha mbalo ya nṱhesa kha dzine vhathu vho no vhuya vha ṅwalisa. Vhunzhi ha vhathu vhe vha ṅwalisa vhovha vha tshi bva kha Media24 na Caxton. Vha Limpopo Mirror na Zoutpansbeger ndi zwipiḓa zwa tshigwada tsha Zoutnet, tshe tshavha tshinwe tsha zwigwada zwoḓi imisaho nga zwoṱhe zwa u anḓadza mafhungo zwe zwa dzhenelela muṱaṱisano uyu.
"Vhadzudzanyi vho takadzwa nga nḓila ye vhoramafhungo vha ḓi ṅwalisa – ho ṅwalisa vhathu vhanzhi u fhira vha ṅwaha wo fhiraho. Nga u swikiswa ha uḓi ṅwalisa uhu ha mbalo nnzhi, vhahaṱuli vho vha vha na mushumo u konḓahao wa u khetha vhathu vha khwine. U wela kha vha khwine ndi u swikelela zwihulu vhukuma kha muṱaṱisano uyu sa izwi vhane vha kunda kha muṱaṱisano uyu zwi tshi sumbedza uvha wa khwine kha vha khwine," hu amba Vho-Andre Gouws, muṅwe wa tshigwada tsha vhahaṱuli kha muṱaṱisano uyu.
Vha tshigwada tsha Zoutnet vhovha na vhoramafhungo vhararu vhe vha wela kha vhafumi vha khwine: Maanda Bele, Elmon Tshikhudo, na Andries van Zyl. Vho-Van Zyl vho pfhufhiwa kha vhuimo hau thoma lwa vhuvhili minwaha i khou tevhekana, Maanda Bele obva kha vhuimo ha vhuraru. Vhuimo ha vhuvhli ho pfufhiwa David Savides a bvaho kha gurannḓa ya Zululand Observer ire KZN.
Mufhenyi we a mangadza kha vhusiku uvho ndi Vho-Victor Mukwevho bva kha tshigwada tsha Zoutnet, kha khethekanyo ya u ṅwala dzi kholomu. Kholumu ya Vho-Mukwevho, "Vic's View," ye ya takalelwa nga vhahaṱuli. Vha ita na u amba uri: "Vha na vhuṱumanyi na vhadzulapo, u ambedzana, na uvha na vhusedzi. Vha ṱumanya zwa fhethuvhupo na tshifanyiso tshihulwane. U ṅwala havhuḓi."
Kha tshitenwa tsha mafhungo au sengulusa, Vho-Anton van Zyl vha Limpopo Mirror, vho pfufhiwa vhuimo ha u thoma, he Vho-Van Zyl vha Zoutpansberger vha pfufhiwa vhuimo ha vhuraru. Kha vhuimo ha vhuvhili ha pfufhiwa Estella Naicker ubva kha Northem Natal News na Newscastle Advertiser.
Vho-Van Zyl vhovha munwe wa vha khwine kha tshitenwa tsha ramafhungo wa ṅwaha, he Vho-Mukwevho vha vha kha vhafumi vha khwine kha tshitenwa tsha mafhungo a u mvumvusa vhathu.
Limpopo Mirror vho pfufhiwa tshiphuga tsha uvha gurannḓa ya ṅwaha, Zoutpansberger vho pfufhiwa vhuimo ha vhuvhili. Vhahaṱuli vho khoḓa gurannḓa idzi nga uvha na nyanḓadzo ya khwine, zwifanyiso zwavhuḓi, na u ṋea mivhigo kha mafhungo a vhuṱhogwa a kwamaho vhadzulapo. Vha ṋea vhadzulapo zwiṱori zwa u sedzuluswa zwavhuḓi, na nyimele dzi kwamaho vhadzulapo. Vha ṋea vhathu zwiṱori nga ha mafhngo a vhuṱhogwa na a u mvumvusa vhadzulapo. Nyanḓadza mafhungo iyi i shumela vhadzulapo zwavhuḓi!"
Kha muṱaṱisano wa siaṱari ḽa khwine ḽa u thoma, Zoutpansberegr yo pfufhiwa vhuimo ha u thoma, Limpopo Mirror yo pfufhiwa vhuimo ha vhuvhili.
U fana na ṅwaha wo fhelaho, vhuṱambo uvhu hovha ho lambedzwa nga vha AVBOB. Muhulwane wa AVBOB Vho-Carl van der Riet vho sumbedzisa vhuṱumanyi vhune vha AVBOB vhavha naho na vhupo vhune ya vhu shumela nau livhuwa vhoramafhungo kha u shumela vhadzulapo. "Ri livhuwa u vhigela vhadzulapo mafhungo ane a vha maanḓafhadza, na u thusa u alusa lushaka."