Tshiṱori nga Frank Mavhungu. Ṱhalutshedzo nga Khathutshelo Raliphaswa.
Dzina ḽavho ḽa vhukuma ndi Vho Thivhusiwi Tshindane, fhedzi vha ḓivhiwa nga vhathu vhanzhi nga dzina ḽawe ḽa luvhanḓeni, Gabriel. Nga murahu ha u fhedza minwedzi mitanu, Tshindane vho vhuya nga maanda manzhi nga bugu ntswa. Dirama yawe ya Tshivenda, Zwidzidzivhadzi muxedzi wandila, yo thoma u rengiswa kha mavhengele a dzibugu dzapo nga Musumbuluwo wa ḽa 12 Shundunthule.
Khandiso yavho ya u fhedzisela ho vha hu khuvhanganyo ya vhurendi ine ya pfi A bve hu dzhene dzinnyi, ye ya anḓadzwa nga ṅwedzi wa Nyendavhusiku ṅwaha wo fhiraho. U fana na mishumo yawe yothe yo fhiraho, A bve hu dzhene nnyi nga u ṱavhanya yo vha i tshi funeswa vhukati ha vhafuni vha vhurendi. Kha bugu yawe ntswa, Tshindane u khou sedza kha u bvisela khagala khombo dza u shumiswa luvhi ha zwidzidzivhadzi, nga maanḓa kha vhaswa.
Naho o vho no ḓi gandisa bugu dzo vhalaho kale, Vho Tshindane vha tenda uri mvelele iyi ya zwenezwino i nga khwaṱhisa dzina ḽawe vhukati ha vhaṅwali vhahulwane vha shango. Bugu i katela masiaṱari a 218 nahone, u ya nga Tshindane, yo rengisa bugu dzi ṱoḓaho u swika kha 150 kha maḓuvha a u thoma a sumbe musi yo no bviswa.
Nga nwaha wa 2023, Tshindane o wina Pfufho ya Manwalwa a litheretsha ya Afrika Tshipembe kha vhutambo ho farelwaho holoni ya Yunivesithi ya North West ngei Potchefstroom. Ṅwaha wa nga phanḓa, mudzulapo wa muvhundu wa Lutomboni Nzhelele o dovha a huliswa musi hu tshi thomiwa Puḽatifomo ya Alkebulan Authors ngei Protea Hotel Marriot ngei Polokwane, he vha wana masheleni a paḓaho R50,000 ya mushumo wavho, Hone hu tshi tea u maliwa nga vhugai, ye ya vha yo ganḓiswa mathomoni a ṅwaha wonoyo.
Manwe a madzina a Vho Tshindane o fhiraho a katela Ngoho kha i ambiwe, Na rine ri vhathu na Ndithu na Ndimumo une kha lino ndi khou lilesa.