Tshiṱori nga Maanḓa Bele. Ṱhalutshedzo nga Khathutshelo Raliphaswa.
Mutambo wa Hockey, une kanzhi wa lavheleswa kha vhupo ha dzi ḓoroboni fhedzi, fhedzi zwa zwino ndi mutambo une wa khou dzhielwa nṱha kha zwikolo zwa vhupo ha mahayani u mona na tshiṱiriki tsha Vhembe. Izwi zwoṱhe zwo koniwa nga mbekanyamushumo ya 'SuperSport Let's Play' na u ḓi imisela ha vhagudisi vha fanaho na Vho Wesley Yavha, mulangi na mugudisi vha tshiimiswa kana dzangano ḽa Vhembe Hockey Association, vhagudiswa vhaswa vhane vha khou ḓivhadzwa kha zwa mitambo hone vha khou vhonala vha khou zwi takalela.
"Ro thoma mushumo uyu nga ṅwedzi wa Khubvumedzi nwaha wo fhiraho nga murahu hau dzhenelela dzi pfumbudzo," hu amba Vho Myavha. "Ndovha ndo neiwa mushumo wauri ndi shume kha zwikolo zwine zwa swika zwa rathi, hu tshi katelwa na tshikolo tsha Tshithuthuni, hune ha fhaṱiwa dzimbade dza mutambo uyu wa Hockey. Ndi tshi thoma, vhunzhi ha vhagudiswa ndi vhe vha amba zwauri vha tenda uri mutambo uyu ndi wa vhatshena, zworalo ndo ḓou ṱangana na khaedu. Fhedzi athingo laṱela thaula khavh," vha amba.
Naho vhe na dzinwe khaedu, Vho Myavha vha dzulela u edela zwikolo nga vhunzhi, vha tshi dededza vhagudiswa nga ha mutambo wa Hockey na u vha ṱuṱuwedza uri vha ḓifhelwe nga mutambo wa Hockey. Kha tshiṱiriki tsha Vhembe, zwikolo zwa rathi fhedzi – Tshivhuyuni Primary, Lotsha Primary, Muwaweni Primary, Mulindavhathu Primary, Tshithuthuni Primary, na Tshikhuthula Secondary – vha khou tamba mutambo uyu wa Hockey, hune wa khou aluwa khwine.
Nga Lavhuraru la fumbili-ṱhanu Khubvumedzi, vha SuperSport Let's Play vho fara mbambe he ha tamba thimu dza rathi. Kha makhaulatshele, thimu ya vhasidzana ya tshikolo tsha Mulindavhathu Primary vho ḓou kunda nga 4 – 2 musi vha tshi khou tamba na Lotsha Primary. Ngeno vha thimu dza vhatukana ho tamba thimu ya Lotsha Primary na thimu ya Muwaweni he ha wina thimu ya Lotsha nga 2-1.
Mbambe iyo ndi ye ya tambiwa fhaḽa tshikoloni tsha Tshithuthuni Let's Play Centre of Sporting Excellence, inwe ya senthara dza mitambo na mishumo yau fhambana ya 15 ine yo fhaṱiwa nga vha MultiChoice hu tshi fhaṱeliwa zwikolo zwine zwo fanelwa u fhaṱeliwa senthara idzo.
Vho Sandile Luthuli, mulanguli wa mbekanyamushumo dza mitambo CSI vho amba zwauri: 'Tshipikwa tsha mbekanyamushumo ndi u ṱuṱuwedza vhatambi vha mitambo, zwihulu vhatambi vha mitambo ya mudavhini. Ndi muthelo wa lushaka lwa mitambo. Sa tshipiḓa tshau pembela Duvha ḽa vhufa, na rine rivha na vhuṱambo uya ngau fhambana, hune vhe vha kunda vha pfufhiwa nga dzi khaphu na mimendele."
Zwezwi dzangalelo ḽa mutambo wa Hockey ḽi tshi khou aluwa, zwikolo zwi ṱangana na dzi khaedu. Vho Daisia Maluleke, mudzulatshidulo vha mutambo wa Hockey kha tshiṱiriki tsha Vhembe na mudededzi tshikoloni tsha Tshivhuyuni fhaḽa Hamashamba, vho ṱahisa mbilaelo dzavho nga ha ṱhahelelo ya fhethu ha khwine hau shumisa kha mutambo uyu.
"Vhunzhi ha vhagudiswa vhashu vha khou sumbedza vhe na dzangalelo la khwine, fhedzi ri na khaedu ya ṱhahelelo ya fhethu ha khwine hune ra nga shumisa u tamba mutambo uyu," vha ṱalutshedzwa. "Ri tambela midavhini ya mitambo ya bola ya milenzhe, hune ho fhambana na mudavhi wa Hockey. Arali hu na ane a nga thusa ngau ṋea mudavhi wa Hockey, ri nga livhuwa zwihulu. Ri dovha hafhu ravha na khaedu ya masheleni khau renga zwishumiswa zwa mutambo wa Hockey sa izwi zwi tshi ḓura," vha engedza.