Tshiṱori nga Bernard Chiguvare. Ṱhalutshedzo nga Khathutshelo Raliphaswa
U ṅwaliswa ha zwiphaza kha mavhengele amtuke(Zwiphaza)khavhupo Musina na Makhado zwi khou vhonala zwi tshi khou tshimbila zwavhuḓi, zwi tshi tevhela zwe ha ḓou bva maipfi ubva kha Muphuresidennde wa Afrika Tshipembe Vho Cyril Matamela Ramaphosa musi vha tshi khou amba na lushaka.
U ṅwalisa zwo vhonala zwi tshi khouvha zwa ndeme sa izwi mimasiapala yo khwaṱhisa tshanḓa khauri vhathu vha tevhedzela maitele ayo. Izwi zwi khou tevhela zwe ha vhonala vhagudiswa kana vhana vhanzhi vha tshi khou vhaisala nga murahu ha u ḽa zwiḽiwa zwa zwiphazani, hune vhaṅwe vha ita nau lovha. Vhunzhi ha mpfu dzavho ndi dzine dza ha dzi tshi khou ṱumanywa na zwiḽiwa zwo fhirelwaho nga tshifhinga ubva zwiphazani zwi songo ṅwalisiwaho.
Muambeli wa masipala wapo wa Musina Vho Wilson Dzebu vho amba zwauri u ṅwaliswa ha vhathu zwi khou tshimbila zwavhuḓi zwa zwino. Fhedzi vha amba zwauri: "Athi koni u khwaṱhisedza mbalo ya vhabvannḓa kana vhathu vha fhano vhane zwa zwino vho no ṅwalisa mabindu kana zwiphaza zwavho." Vho engedza zwauri mbalo ya vhabvannḓa na vhathu vha fhano dzi khou vhonala dzi tshi khou lingana. Vhabvannḓa vhare na bambiri dzo teaho dza uri vhavhe fhano, hu tshi katelwa na bambiri dza thendelo yau shuma fhano, vho tendelwa uri vha ṅwalise mabindu avho."
Musi Vho Ramaphosa vha tshi amba na lushaka nga ḽa fumi-ṱhanu Ḽara, vho nea vhoramabindu vha zwiphaza maḓuvha a fumbili-thihi uri vha ṅwalise mabindu avho. Arali muthu a kundelwa u ṅwalisa bindu ḽawe kha maḓuvha ayo, bindu ḽavho ḽi nga valwa. Vha masipala wa Musina vho tevhedzela ndayo iyo, he vha ita khuwelelo kha vhoramabindu uri vha ḓe u ṅwalisa mabindu avho hutshe na tshikhala tsho vheiwaho.
Musi zwi tshi kwama vhathu vhane vha rengisa kha bada ya N1, Vho Dzebu vho amba zwauri: "Vha fanela uvha na thendelo hone vha fanela uvha vha tshi khou rengisa fhethu hune ho tou itiwaho."
Zworalo kha masipala wapo wa Makhado, vhoramabindu vha zwiphaza vho ṱuṱuwedzwa uri vhavhe vhe na ṱhoḓea dzoṱhe dzine dza ṱoḓea musi vha tshi ṅwalisa mabindu avho. U swika zwino, mabindu a paḓaho fumi-ṱhanu vho vusuludza dzi bambiri dzavho dza thendelo, hone vhavhili vho tou ḓisa khumbelo ntswa. Zworalo, ahuna vhoramabindu vha vhabvannḓa vhane vho no ḓa u ṅwalisa mabindu avho kana u tou vusuludza bambiri dzavho dza thendelo kana dzone dzi ḽaisenntse.
"Sa masipala hu ḓovha na mafulo ane ra ḓo a fara na vhaṱoli vha zwa mutakalo vha tshiṱiriki, vha South African Revenue Services (SARS), vha vhupholisa ha Afrika Tshipembe (SAPS), na vha muhasho wa muno uri ri ṱuṱuwedze vhathu uri vha tevhedze ndayo bvisiwaho nga Vho Ramaphosa," hu amba Vho Mpho Rathando muambeli wa masipala wapo wa Makhado.
Vho engedza zwauri mafulufulu au ṱuṱuwedza vhathu uri vha ṅwalise mabindu avho ho katela pfumbudzo dzi fanaho na imbizo, mafulo au dalela mabindu a vhathu, khathihi hau ha na therisano na khoro dza misanda na dzi mbumbano kana foramu dza mabindu.