Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ralunako Zwivhuya Mashimbyi wa minwaha ya fumbiliiṋa u bva kusini kwa Ha Nthabalala, o vhea iṱo ḽawe kha u wina muṱaṱisano wa vhoralunako, Miss Essence SA. Zwivhuya ha touvha ralunako fhedzi, u dovha hafhu avha ramabindu kha sia ḽa lunako. O nangwa uvha munwe wa vha fumbili vha khwine kha muṱaṱisano uyo, muṱaṱisano uyu une waḓo farelwa Meropa Sun nga ḽa fumbili ṱahe Fulwana.
Zwivhuya una bindu ḽa unakisa manala, u ḓodza zwiḓolo khaunalisa vhatshifumakadzini nau luka mavhudzi. Zwivhuya u tenda khau maanḓafhadza vhafumakadzi na vhana vha vhasidzana, u dovha hafhu avha na lutamo lwau alusa vhanwe na vhare tsini nae. Ndi kale ana muḽoro wau dzhenelela miṱaṱisano ya vhoralunako. "Ndo dzhenelela muṱaṱisano wa vhoralunako Miss SA nga ṅwaha wa gidimbili, fhedzi ndi si bvelele zwavhuḓi. Ndi tshi sedza murahu kha tshenzhemo hei, ndi zwi vhona sa phaṱhutshedzo. Zwo nṋea maanḓa auri ndi shume ndo ḓi funga naudi sikela dzina ḽa khwine, u aluwa hanga nṋe muṋe na uvha na vhuḓifulufheli vhune ha ṱoḓea khau bveledza miḽoro yanga," a amba.
Muṱaṱisano uyu wa vhoralunako wa Miss Essence SA wo wanwa nga muimbi ha ḓivheaho, Henny C, akha vhushaka na vha Meropa Sun, vha tshi ṱoḓa u pembela maanḓa vhafumakadzi. Zwivhuya uri zwine zwa mu khethekanya na vhanwe vhathu ndi uri ene u aḓi imisa nga eṱhe. Sa izwi a songo gudela zwau bveledza zwiambaro, una lutamo lwau zwi gudela sa izwi zwi tshi anana na mabindu awe.
Zwivhuya u dovha hafhu avha na mishumo ine a ita kha muvhundu une a dzula khawo, o thoma mushumo une au vhidza "Self-Discovery" a saathu u dzhenelela muṱaṱisano wa vhoralunako wa Miss Essence SA. U gudisa nau ṱuṱuwedza vhana vhaṱuku na uvha thusa khau ḓi ḓivha kha muvhundu wawe. "Ndi dovha hafhu nda vha gudisa nga ipfi ḽa mudzimu na uvha imbela. Hoyu mushumo u touvha wau ṱuṱuwedza vhana vhaṱuku nga nḓila dzavhuḓi na u vha kunga uri vhabve zwiṱaraṱani vha tshe vhaṱuku," a amba.