Thavhani mall i ḓo ḓisela vhathu mugaḓagasi vhusiku na masiari.

Tshiṱori nga: Advertorial. Ṱhalutshedzo nga: Khathutshelo Raliphaswa.

Vha mavhengele tserekano a Thavhani vha kha dzudzanyo dza u shumisa nḓisedzo ya muḓagasi ine yo bveledzwa nga sola na dzhenereitha. Izwi zwi tou amba uri Thavhani vha ḓo dzula vhe na mavhone o fungaho.

Lwa minwedzi mivhili i ḓaho, Thavhani vha ḓovha vhe na nḓisedzo yavho ya muḓagasi: ndi nḓisedzo ine ya ḓo ḓiswa nga dzhenereitha ntswa, ine i khou fhaṱiwa nga vha Thavhani u itela vharengi na vharengisi vha Thavhani.

“U sielisana ha muḓagasi ndi zwine zwa khou wisa nḓisedzo dza tshumelo kha shango ḽashu,” hu amba Vho Paul Gerald, vha ḽimaga ḽa Flanagan & Gerard. “Vhathu vho no neta, na ikonomi i khou wa, zwo ralo na mavhengele tserekano avho balelwa nga u alusa vhubindudzi, izwi ndi ngauri vharengisi na vharengi vha balelwa u alusa ikonomi,” vha engedza.

Vha mavhengele tserekano a Thavhani vho wana thandululo kha khaedu iyo kha vhupo havho. Vha khou wana nḓisedzo ya muḓagasi u bva kha tshithu tshine ravha natsho ḓuvha linwe na linwe: ḓuvha.

Luṱa lwa u thoma lwa sola ndi lwune lwa khou shumiwa zwa zwino, lwune lwa kona u ḓisa muḓagasi wa 1MW. Hu khou lavhelelwa uri mushumo uyo u fhele nga ṅwedzi wa Lara, hone hu thoma u shumiswa nga ṅwedzi wa Nyendavhusiku. U engedza kha izwo, hu na dzhenereitha ya 2,6MW ine ya khou fhaṱwa.

“Thandululo hedzi mbili, dzi ḓo kona u ḓisela mavhengele tserekano a Thavhani mudagasi musi ri tshi ṱoḓa nḓisedzo ya muḓagasi,” hu amba Vho Johnathan Shutte. Thavhani hu ḓovha ha u thoma kha vhupo hashu hune ha ḓo ḓi ḓisela muḓagasi nga zwifhinga zwa u sielisana ha muḓagasi, izwi zwi tou amba uri Thohoyandou hu ḓo dzulela u penya u fhira vhupo vhunwe, vhusiku na masiari. “Kana sa zwine ra takalela u amba,Musi hutshivha na uselisana ha kushumisele kwa mudagasi,” hu amba Vho Brandon Nesengani.

Date:07 November 2023

By:

Read: 280