Vho Florah Netshianane vho wina uvha mureili wa khwine wa dzi thekhisi 2023.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Vho Florah Netshianane vha bvaho Makonde-Tshithuthuni vhovha vho khethwa kha vhareili vha vhafumakadzi vha khwine vha ṅwaha kha muṱaṱisano wa muhasho wa vhuendi na tsireledzo ya lushaka, he vha dzhia vhuimo ha u thoma kha mutatisano wavhafumakadzi wa ureila thekhisi. Vhuṱambo uho ha u pfufhiwa ho farelwa Bolivia Lodge, nnḓa ha Bulugwane, nga Mugivhela wa ḽa fumbili-malo Tshimedzi.

Vho Netshianane vha shuma fhasi ha dzangano ḽa Mutale Taxi Association. Hone vho thoma u shuma nga ṅwaha wa gidiḓaṱahe fuṱahe-malo musi vha tshi ṋeiwa mushumo nga munwe muṋe wa dzi thekhisi. Namusi Vho Netshianane vha khou ḓi itela dzina kha nḓowetshumo ya dzi thekhisi hone vha funa vhukuma mushumo wavho.

“Naho ndovha ndi si na thikhedzo u fana na vhanwe vhathu, ndo vhona houyu mushumo hu wone une wa ḓo nthusa u ḓi unḓa na u unḓa vha muṱa wanga,” vha amba.

Vho Netshianane vha reila khiḽomitha dza fuṱhanu uya na u bva Tshipise na Thohoyanḓou. “Ḓuvha ḽanga ḽi thoma nga wara ya vhuṋa nga matsheloni musi humafheloni anzwedzi nda awela nga awara ya vhumalo madekwana, zwihulu nga maḓuvha a vhege ya u thoma ya ṅwedzi.” vha amba.

Vhari mushumo wa u reila thekhisi ndi munwe wa mishumo ine ya nyadziwa fhano Afrika Tshipembe, fhedzi ndi une wa unḓa miṱa minzhi. “Ri vhidziwa nga madzina, hupfa ri vhathu vha songo funzeaho na vhukoni arina, fhedzi ngoho ndi yauri vhunzhi hashu ro funzea hu touvha ari ngaḓo dzula fhasi ra di pfela vhuṱungu sa izwi mishumo i songo ḓala,” vha engedza.

Kha u kunda havho kha muṱaṱisano uyu wa mureili wa thekhisi wa khwine wa ṅwaha, Vho Netshianane vho ṱuwa hayani na zwigidi zwa fumbili zwa masheleni, na ṱhirofi.

MEC wa vhuendi na tsireledzo ya tshitshavha, Vho Florence Radzilani vhari ndivho ya muṱaṱisano uyu hovha hu u khwinisa vhukoni ha vhareili vha dzi thekhisi u mona na shango. Muṱaṱisano uyo wovha wo dzhenelelwa nga vhareili u mona na shango. “Rovha ro takalela u vhona vhathu vhanzhi vho dzhenelela u fhira minwaha yo fhiraho, zwihulu kha vhafumakadzi. Ri tenda uri matshilo a vhathu vhanzhi a ḓo vhulungea nga kha heyi nḓowetshumo. Ri pfa ri tshi ḓi hudza nga vhafumakadzi vha fanaho na Vho Netshianane na vhanwe vhanna vho dzhenelelaho,” vha amba.

Date:14 November 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 208