Ho vulwa vhuongelo vhuswa ha Crestcare Zoutpansberg.

Tshiṱori nga: Anton van Zyl. Ṱhalutshedzo nga: Khathutshelo Raliphaswa.

U vulwa ha vhuongelo vhuswa ha phuraivethe ha Crestcare Zoutpansberg nga ḽa raru Ḽara zwo touvha mathomo a vhutshilo vhuswa kha vhuongi ha phuraivethe tshiṱirikini tsha Vhembe. Vhuongelo uvhu vhuswa ndi vhune havha na thekinoḽodzhi ya zwa vhuongi ya maimo hone ndi vhune ha swikelela uvha kha vhupo ha dzi ḓorobo dza maimo. Vhuongelo uvhu vhu ḓo dovha hafhu ha sika mishumo kha maḓana a vhathu vhare na ṱhoḓea dzo teaho.

Vhaeni vhe vhavha vhe hone kha vhuṱambo ha u vula vhuongelo uho vho vha na tshikhala tsha u endedzwa vha tshi vhona vhuongelo uho nga vhuḓalo kha luṱa hoṱhe vhuraru, hune vhaḓivhi vha ḓo kona u ita miaro nga u shumisa zwishumiswa zwa maimo zwa u ita miaro.

Nḓila ine phera dza miaro dza Crestcare Zoutpansberg dzo fhaṱwa ngayo ndi ine ya vhonala uri yo pulaniwa lwa tshikhala hone nga nḓila yavhuḓi lune ndi khulwane, hone na vhaoli vhazwo ndi vhare na tshenzhemo nazwo.

Zwoṱhe zwo dzudzanywa nga nḓila ine ahunga ḓovha na u thithisea ha tshithu. Hu na dzi dzhenereitha mbili dzine dza shumiswa nga tshifhinga tsha u seilisana ha muḓagasi, nthihi ndi ine ya shumiswa u isa muḓagasi kha zwishumiswa zwa vhuṱhogwa. Na mathannga a maḓi ane o vhetshelwa musi nḓisedzo ya maḓi i bvaho ha masipala i sa swiki.

Dzine dzo ṱumanywa na phera dza miaro ndi phera dza vhaongiwa vha matshilo avho a khomboni na vhane vha ṱhoga u ṱhogomelwa zwihulu. Kha phera dza fhasi hu na yunithi ya hune ha dzula vhana vhane vha khou bva u bebiwa, na mibete ya fumi ya vhaongiwa vhane vha ṱoḓa u ṱhogomelwa zwihulu, hune muoingiwa munwe na munwe avha na mitshini ine ya ṱoliwa ya maimo. Ha dovha hafhu havha na phera dza vhana vhaṱuku.

Zwinwe zwa maiomo vhuongeloni uhu ndi wadi ya vhaimana ya mibete ya fumi-ina. Afha ndi hune vha ḓo ṱhogomelwa na u beba vhana nga nḓila yo tsireledzeaho.

Zwa zwino, vhuongelo vhuswa vhu ḓovha vhu khou shumisana na vhuongelo ha kale ha phuraivethe. U vusuludzwa ha vhuongelo hu ḓo thoma ṅwaha u ḓaho nga ṅwedzi Thafamuhwe. Uya nga Vho Annke Stroebel, mulanga vhuongelo, vhari bammbiri dza u tshimbidza vhuongelo ivha ṋea thendelo ya uvha na mibete ya fuṱahe-mbili. Vhuongelo ha kale, hovha huha mibete ya furaru-mbili na phera nthi ya miaro.

Hu na tshumelo dzi fanaho na zwiḽiwa zwa vhaongiwa. Vhuongelo vhuswa vhu na phera ya maimo ya u bikela ire na zwishumiswa zwo fhelelaho, zwine vha kona u bikela vhaongiwa vha fuṱahe-mbili luraru nga ḓuvha. Hu dovha hafhu havha na vhupo hune vhathu vha renga zwiḽiwa.

Nga ḓuvha ḽa u vula ha vhuongelo, ho ambiwa nga ha ikonomi yapo. Vhathu vha ḓana vho no wana mishumo kha vhuongelo uho ha mibete ya furaru-mbili. Vhuongelo vhuswa vhu ḓo ḓadza mibete iyo, hune vha fulufhela uri vha ḓo swikisa phesenthe dza fusumbe ya u ḓadzwa ha mibete hu sa athu u fhela ṅwaha.

Kha vhuongelo ha Crestcare Zoutpansberg hu na vhaḓivhi vha fanaho na vhaḓivhi vha zwa miaro, malwadze a mbilu, vhaongi vha vhafumakdzi, na vhanwe vhanzhi. Vhanwe vha vhaḓivhi vha ḓoḓa na vhashumi vhavho, zwine zwa ḓo engedza zwikhala zwa mishumo. Vhu dovha hafhu ha ṋea vhaongiwa na vhaongi tsireledzo na u shumisa zwibveledzwa zwine zwa shumiswa mivhunduni yapo.

Kha vhunzhi ha vhadzulapo vhavhupo ha tsini, na vhuongelo uhu vhu fhungudza nyendo dzavho dza uya kha vhuongelo ha kule sa izwi vhunzhi havho vhovha vha tshi ya Gauteng u wana thuso ya zwa mutakalo.

Date:14 November 2023

By: Anton van Zyl

Anton van Zyl has been with the Zoutpansberger and Limpopo Mirror since 1990. He graduated from the Rand Afrikaans University (now University of Johannesburg) and obtained a BA Communications degree. He is a founder member of the Association of Independent Publishers.

Read: 223