Vhadzulapo vha na mbilaelo nga ha u valwa ha ofisi dza poso.

Tshiṱori nga: Bernard Chiguvare. Ṱhalutshedzo nga: Khathutshelo Raliphaswa.

Fulufhelo ḽe vhadzulapo vha u mona na Elim vhavha vhe nalo nga ha u vulwa hafhu ha poso ya Elim ndi ḽine ḽo laṱea tshoṱhe sa izwi ho no vula ḽiṅwe bindu kha tshifhaṱo tshe havha hu na poso iyo.

Ofisi dza poso u mona na shango dzi kha nzudzanyo dza u vulwa ha mabindu nga uvha na ṱhahelelo ya masheleni ine ndi kale vha khou ṱangana nayo. Vha u tsireledza mabindu vha na miṅwedzi mivhili zwa zwino, u bva nga ṅwedzi wa Fulwana vho twa nga vha masheleni. Vha ofisi dza poso dza Afrika Tshipembe vha khou anganyelwa uvha na tshikolodo tsha biḽiyoni dza fumi-na-mbili khoma ṱhanu ya dzi rannda.

Ofisi ya poso ya Elim i na nwaha yo valwa, zwine zwa sia vhadzulapo vha zwisi zwa u mona na Elim vha na dzi mbilaelo sa izwi vha tshi tea u enda vha ya kule u wana tshumelo dza poso. Zwa zwino vha shumisa poso dza Louis Trichardt na Waterval u bvisa masheleni avho a magavhelo, u vusuludza laisentse  dza u reila zwiendedzi na dzinwe tshumelo dza vhuṱhogwa. Vha dovha hafhu vha vha na dzi mbilaelo uri vhupo uho huvhuili ndi kule khavho. Vhanwe vha vharengisi vha zwimauswu vha kombetshedzea u sia zwimauswu zwavho hu si na vhathu, zwine zwa ita uri vha xeletshelwe nga masheleni sa izwi hu si na ane avha a khou renga khavho.

Naho zworalo, poso idzo dzi ṱangana na khaedu dzadzo. Vhadzulapo vho ṱahisa uri vha poso ya Waterval vha na minwedzi miṱanu vha sa vusuludzi laisentse dza zwiendedzi. Hu dovha hafhu havha na mitevhe milapfu, zwihulu nga maḓuvha a u hola magavhelo a SASSA.

Vho Mary Baloyi vha bvaho ha Mabobo, vhane ndi murengisi kha tshimauswu tsini na poso ya kale ya Elim, vhari tshumelo ya posoni iyo yovha i yavhuḓi na nḓila ye vhavha vha tshi thusa vhathu ngayo. “Vhaaluwa vhovha vhe na havho hune vha thuselwa hone uri vha ṱavhanye u ṱuwa.” Zwa zwino Vho Baloyi vha tshimbila khiḽomitha dza fumi-mbili uya posoni ya Louis Trichardt sa izwi vha tshiri poso ya Waterval ia ṱahelelwa nga masheleni nga maṅwe maḓuvha.

Vhadzulapo vhari avha takaleli u dzhia masheleni avho kha mavhengele a fanaho na Shoprite na mitshini ya masheleni sa izwi vha tshi pfa uri vha kombetshedzea u renga zwithu zwi si zwa ndeme na u ṱangulwa masheleni avho.

Musi vha nyanḓadza mafhungo ya Limpopo Mirror vha tshi dalela ofisi ya poso ya Elim ṅwedzi wo fhelaho, tshifaṱo tshe tshavha tshi ofisi iyo tshovha tsho novha tsha ḽinwe bindu.

Date:14 November 2023

By: Bernard Chiguvare

Bernard Chiguvare is a Zimbabwean-born journalist. He writes mainly for the online publication, Groundup.

Read: 213