ADVERTISEMENT:

 
 

Bono Dzivhani a bvaho Tshivhulani a tshi fhaṱela na u ola mubete wa vhana. Tshifanyiso tsho bveledzwa.

Bono o wana phodzo kha vhutsila hawe.

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Mutsila Bono Dzivhani a bvaho Tshivhulani, nnḓa ha Sibasa, u vhonala o wana nḓila ya u ḓi fhodza kha tshenzhemo i konḓaho ye a ṱangana nayo sa mupondiwa we a tshipiwa minwaha mivhili yo fhiraho. U tshipiwa zwo mu sia na mbonzhe muvhilini na muyani. Bono u shumisa vhupfiwa hawe u bveledza vhutsila, na u ṱahisa uri vhutsila vhu a kona u thusa muthu u fhola kha zwine a khou ṱangana nazwo.

Vhutsila hawe ndi ha zwithu zwo fhambanaho, u fana na u ola kha dzi mbondo uya kha zwiambaro zwine zwa ṱalutshedza zwiṱori zwa u tshila na uvha na nungo. O thoma na u fhaṱela vhana mibete u bva kha mabulannga a kale, ane a fhedza a a pennda nau nakisedza nga mivhala yofhambanaho i takalelwaho nga vhana vhatuku.

“Ndo tambudzwa nga u tshipiwa minwaha mivhili yo fhiraho ndi na minwaha ya mahumi mavhili-na-raru. Naho zwo ralo, ndo kona u maanḓafhadzea kha tshenzhemo iyo nga u shumisa pennde na bulatsho u fhaṱela mibete ya vhana. Ndi tshi thoma, ndovha ndi tshi ola mipopi sa nḓila ya u hangwa na u ḓi fhodza kha zwe zwa bvelela kha nne, u bva afho nda vho tou takalela u zwi ita misi yoṱhe. Vhutsila hanga vhu ḓa sa bono, nda konaho u ola kha dzo mbondo, mabammbiri, malabi na zwinwe zwinzhi. Ndi kholwa uri ndo zwi pfukhiselwa nga khotsi anga, Vho Aggrey Mashudu Dzivhani. Vhovua muṅwali a ṱuṱuwedzaho hone vha dovha hafhu vhavha mutsila makone. Ndi dzula bulasini hune hoḓi fhumulela, ro tangwa nga vhupo havhuḓi,” a amba.

Bono o fhedza murole wa vhufumi-na-mbili ngei tshikoloni tsha nṱha Mphaphuli nga ṅwaha wa gidimbili fumi-rathi, ubva afho aya kha gudedzi ḽa Vhembe TVET u gudela Civil engineering. Fhedzi nga zwe zwa bvelela khae zwa u tambudzwa lwa utshipiwa, o ḓou kombetshedzea u litsha tshikolo.

“U bva tshe nda thoma lwendo lwanga lwa vhutsila, ndo no wana thikhedzo yavhuḓi u bva kha vhathu vhane vha renga. Khaedu ine nda ṱangana nayo ndi masheleni a u alusa bindu ḽanga, fhedzi ndi tenda uri ḽinwe ḽa maḓuvha zwithu zwi ḓo luga,” a engedza.

 

Date:29 November 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 271

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles