Isaac Modipa u shumisa vhutsila u unḓa muṱa wawe.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Muloro wa  Issac Modipa a bvaho Tshiozwi, wa uvha mulugisi wa zwiendedzi, u vhonala wo wedza. Issac a tshi aluwa ovha o tama uvha mulugisi na u bveledza zwiendedzi nga nḓila yawe. Fhedzi nga u shaya masheleni hayani, izwo zwo konḓa uri a wedze muloro wawe. O touvha mashudu a tshi swika kha u shumisa dzi ḓaraṱa u bveledza zwishumiswa, zwine a rengisa na u kunga vhathu ngazwo hayani hawe.

Lwendo lwa Isaac lwo thoma atshe mugudiswa musi atshi tshimbila atshi kuvhanganya dzi ḓaraṱa badani na masimuni. Vhadzulapo vha Tshiozwi vha dovha hafhu vha mu thusa nga u mu ṋea dzi ḓaraṱa na zwishumiswa zwine a shumisa zwo no shumaho. Nga zwoṱhe izwo, u kona u bveledza goloi ya daraṱa.

“Tshinwe tshifhinga zwi a konḓa u wana ḓaraṱa dzo fanelaho, hone ndi na ṱhahelelo ya zwishumiswa na masheleni zwine zwa nkundelisa u fhedza u ṱavhanya nga nḓila ine nda tama. Fhedzi nga thikhedzo ya vhadzulapo, ndi tenda uri ndi ḓo kona u bveledza zwinzhi,” a amba.

Zwe zwa thoma sa miswaswo ya u bveledza goloi ṱuku ya ḓaraṱa, zwo ḓou aluwa zwavha bindu ḽine aḽi shumisa uḓi unḓa na vha muṱa wawe. Issac u dovha hafhu a livhuwa ṱhama we a muthusa. “Hayani ahuna ane a shuma, ndo ḓou tea u wana nḓila ya u unḓa hayani,” ua engedza.

Zwa zwino o bveledza gariki khulu ya dzi daraṱa ine a tshimbidzwa nga bere mbili dza ḓaraṱa, gariki iyo ua kona na u dzula nga khayo, hone na vhadzulapo vho tou thoma u zwi takalela vhukuma.

Mudzulatsini wa Isaac, Mpho Thathaisa, uri: “Vhadzulapo vhovha vha sa zwi takaleli a tshi thoma, fhedzi ngau vhona u aluwa ha mishumo yawe, vha vhoḓa nga vhunzhi u ṱalela na u vhudzisa nga ha zwibveledzwa zwawe hayani hawe”.

“Muloro wanga ndi uḓi wana ndi na hune vhathu vha touḓa vha tshi ṱalela zwibveledzwa zwanga.” a vhina.

Date:29 November 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 276