ADVERTISEMENT:
Rendani Netshiongolwe uri vhuholefhali hawe ho novha phaṱhutshedzo. Tshifanyiso tsho bveledza.
Tshiṱori nga: Vho ramabindu. Ṱhalutshedzo nga: Khathutshelo Raliphaswa.
U wana khombo ya moḓoro nga ṅwaha wa 2005 nwedzi wa Fulwana zwo sia Rendani Netshiongolwe (44), o vhaisala mutshilitshili. Nga murahu ha u dzula minwedzi miṱanu vhuongeloni, Rendani o ḓou vhudziwa uri ha tsha ḓou dovha a kona u tshimbila. Mafhungo ayo e amu kwasha mbilu, o a ṱanganedza nga murahu ha tshifhinga, azwi shandukisa uri zwivhe muhumbulo wa khwine une wa nga ṱuṱuwedza vhanzwe vhathu vhanzhi, a tshi vha sumbedza uri vhuholefhali vhu ngavha phathutshedzo nga dzinwe nḓila.
Rendani ono bveledza zwinzhi muvhunduni wawe, u fana na u fhaṱa holo ya tshitshavha, senthara ya u bveledza vhukoni, na senthara ine vhathu vha i shumisa u rumela dzi khumbelo dza u lambedziwa. U dovha avha ramabindu ane ono sikela vhathu vha paḓaho tshigidi mishumo vhane zwa zwino vha kona u unḓa miṱa yavho.
Sa mme a vhana vhararu, Rendani u touvha ṱhuṱhuwedza kha vhanwe vhaholefhali , uvha ṱuṱuwedza uri vha songo lindela masheleni na zwiḽiwa kana zwiambaro zwa u tou netshedza fhedzi, vha fanela u ḓi imisa nga vhone vhane uri vha kone u shele mulenzhe kha u alusa ikonomi. U ombedzela kha uri u humbula nga nḓila dzine dzavha dzavhuḓi, uvha na vhuḓifulufheli ndi zwone zwa ndeme. U ḓi shumisa sa tsumbo uri naho a muholefhali, muhumbulo wawe u tshe na vhukoni ha u bveledza zwinzhi. Rendani u vhona vhuholefhali hawe sa phaṱhutshedzo sa izwi o kona u alusa muvhundu wa hawe, u sikela vhathu mishumo na u khwinifhadza matshilo a vhathu vhane a dzula navho.
Rendani u touvha muimeleli wa vhaholefhali uri vha si ṱutshele pfunzo dzavho. Naho a tshi ṱangana na dzi khaedu, u na ṱhanziela dzine khadzo ha katelwa ya mveledziso ya tshitshavha, ya vhulangi ha thengiso, na ya mveledziso ya vhaswa. U tenda khauri pfunzo ndi yone ine vhathu vha nga i shumisa u lwa na vhushai. Uḓi imesela kha pfunzo ha Rendani asi zwithu zwe zwa thoma zwino, lwendo lwawe lwa pfunzo lu katela musi a tshi gudela zwa mveledziso ya tshitshavha ngei United States of America nga ṅwaha wa 2013, he avha o tou lambedzwa. Na u fareledzwa hawe nga zwino na zwiḽa, u khaḓi kona uḓi ṋea tshifhinga tsha u guda nga ha masheleni, mabindu na yone mveledziso ya tshitshavha.
Date:12 December 2023
Read: 255
ADVERTISEMENT
ADVERTISEMENT:
ADVERTISEMENT:
ADVERTISEMENT