Vhadzulapo vha Shivambu vha khou vhilaedzwa nga nyimele ya u gwiwa ha mavu.

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhadzulapo vha kusi kwa Shivambu, vhuponi ha Bungeni vha khou vhilaedzwa nga u ngwiwa ha mavu nga vho rakhonṱiraka. Vhari zwiito izwo zwi vha sia vhe kha nyimele i konḓaho hone ya khombo kha vhadzulapo.

Vha nyanḓadza mafhungo ya Limpopo Mirror vhori vha tshi dalela vhupo uho, vha sumbedzwa he havha ho gwiwhone mavu. Mavu ayo zwa zwino a khou shumiswa u lugisa luvhanḓeni lwa Bungeni. Luvhanḓe ulo hovha ho lavhelelwa uri lu ḓo fhedzwa u fhaṱwa nga ṅwaha wa gidimbili fumbili-mbili, fhedzi na zwino hu tshi kati u fhaṱiwa.

Munwe wa vhadzulapo, Vho Nkhensani Chauke, vhari vha na nyofho ngauri u gwiwa uhu ha mavu zwi khou sia hu na zwidamu zwine zwo ḓala maḓi o tshikafhalaho. “Vhana vhashu vha bambela kha maḓi ayo o tshikafhalaho, zwine zwa vha sia vhe khomboni,” vha amba.

Fulo ḽa u gwa mavu ḽo thoma minwaha miraru yo fhiraho. Hone mavu ane a gwiwa a shumiswa u shela fhasi hu sa athu u shelwa tshikonṱiri.

Vhadzulapo vha dovha hafhu vha vhilaedzwa nga u ḓala ha maṱiraka ane a dzulela u tshimbila vhuponi havho, ane a dzulela u tshikafhadza vhupo havho. Inwe ya dzi mbilaelo dzavho ndi uri naho mavu a khou gwiwa kha kusi kwavho, avha tholi vhadzulapo vha kusi uko kha mishumo yavho.

Vho Thomas Ngwenya, vha miwaha ya fuṱhanu-ṱhanu, vhane vhavha munwe wa vhadzulapo vhari zwi itea hani uri khamphani ide i gwe vhuponi havho fhedzi vhasi ṋee vhadzulapo vha afho fhethu mishumo. Vhari vhorakonṱiraka avha vha fanela u vhuya vhaḓa vha vhuedzedza vhupo havho kha nḓila ye havha hu ngayo.

Vhomusanda vhavhupo uho,Vhomkhatshani Shivambu, vhari ndi kale vhathu vha tshi ṱahisa dzi mbilaelo dzavho, fhedzi ahuna thandululo dzine vha ḓiselwa dzone. “Minwaha miraru yo fhiraho, ro vhudzwa uri ho vheiwa masheleni ane aḓo shuma kha u ḓadza hafhu madamu maṱuku, fhedzi azwingo itwa. Damu iḽo aḽingo lugela vhana vha vhupo uhu, arali mvula ya na, hungavha na u nuvhela maḓini ha vhana.

Muambeli wa masipala wa Collins Chabane, Vho Raymond Hlungwani vho rumelwa mbudziso nga ha nyimele iyi nauri naa zwa u gwiwa ha mavu zwi mulayoni? hone ho tevhelwa maga one naa. Vho dovha hafhu vha vhudziswa uri vha masiapala vha ḓo ita mini sa nḓila ya u thivhela khombo kha vhathu vhane vha ḓa fhethu afho.

Naho hovha na u sala murahu ha mafhungo ayo, Vho Hlungwani a vhango fhindula. Nga ḽa raru Nyendavhusiku, vho ri nea nomboro dza mushumisani wavho, we ari humisela murahu kha Vho Hlungwane.

Date:18 December 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 380