Evelyn Machaba ndi ene Miss Afrika Tshipembe wa Equator 2023.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Evelyn Machaba wa minwaha ya fumbi-na-ṱahe a bvaho Madabani o pfufhiwa nguwane ya Miss Afrika Tshipembe ya Equator 2023 kha vhuṱambo he ha farelwa hodelani ya Blue Waters ngei Durban nga Mugivhela, ṱahe Nyendavhusiku.

Dzangalelo la Evelyn kha zwa vhonyalunako lwo simuwa atshe na minwaha ya fumi fhedzi. “Ndi kale ndi na lufuno lwa mutatisano wa vhonyalunako ndi tshe muṱuku. Ndi funa dakalo ḽine ḽa ḓa na uvha kha nḓowetshumo ya vhonyalunako,” a amba.

Evelyn ha touvha nyalunako fhedzi, u dovha hafhu avha na dzi ṱhanziela dzo fhambanaho. U na dipiḽoma ya u nakisa nga ngomu nḓuni, ubva kha gudedzi ḽa Yunivesithi ya Tswane ya thikinoḽodzhi, u dovha hafhu avha mutumbuli wa dzangano ḽisa shumeliho malamba ḽa Imbokodo Femme Events. Ndivho ya dzangano iḽi ndi u vhuyedza tshitshavhani nga u maanḓafhadza vhasidzanyana na uvha gudisa nga ha zwine vhakona zwa vhutshilo.

“Imbokodo yovha i songo leluwa ui thoma fhasi, fhedzi zwo ngudisa tshithu tshithihi, uri zwoṱhe zwi a konadzea. Vhadzulapo vha fanela u farana, vhafumakadzi vha fanela u maanḓafhadziwa. Zwi ṱoḓa muthu muthihi uri a thome u ḓisa tshanduko tshitshavhani. Ndi ṱoḓa u dovha hafhu nda ṱuṱuwedza vhaswa na uvha nea fulufhelo uri vha nga kona u wedza ndoro dzawe, zwi sina ndavha uri vha bva fhethu ha hani,” a amba.

Mulaedza we Evelyn au livhisa kha vhaswa na vhafumakadzi vha Afrika Tshipembe ndi wo leluwaho: “Di funeni u thoma, ni lweli zwine na ṱoḓa. Fhedzi kha zwoṱhe ni humbule uri u lwa asi u shumisa maipfi fhedzi, na nga nyito dzine dza ḓisa tshanduko ndi u lwa. Ndi fulufhela uri uvha Miss Afrika Tshipembe wa Equator zwi dovha ṱhuṱhuwedzo kha vhanwe uri zwoṱhe zwia konadzea,” a amba.

Date:18 December 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 381