Mutambi wa ḽitambwa ḽa Muvhango u ṋea murahu kha vhubvo hawe

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Muḓivhalea wa zwa matambwa Gabriel Temudzani, ane a ḓivhea khwine kha ḽitambwa ḽa Muvhango sa Vhafuwi Azwinndini, ha athu u hangwa vhubvo hawe. Nga Lavhuṱanu ḽa mbili Luhuhi, o farana zwanḓa na vha tshiimiswa tsha Hollywood vha tshi ṋea vhagudiswa zwiambaro zwatshikolo zwo fhelelaho vha kusi kwa Tshivhilidulu, nnḓa nyana ha Ṱhohoyandou.

Mushumo uyo we wavha u tshipiḓa tsha fulo ḽa "U humela tshikolo" ḽa ṱhanganyelano ya tshiimiswa tsha Hollywood na Temudzani, wo kona u ṱuṱuwedza vhafaramikovhe vha muvhundu uyo.

Vha sa athu u ṋea zwiambaeo izwo zwa tshikolo, Temudzani o ṱuṱuwedza vhagudiswa nga mulaedza. “U vhuyela kha vhubvo hanga nau ṋea murahu kha tshikolo tshe tsha mphaṱa ndavha muthu ane ndavha ene namusi zwi nkhumbudza murahu na khaedu dze muṱa wa hashu ra ṱangana nadzo. Zwo ralo, nga kha mushumo hoyu, ndi khou ṱoḓa u ṋea vhanwe vhagudiswa mulaedza na uvha ṱuṱuwedza uri naho vha ṱangana na khaedu dzifhio na dzifhio vha nga kona u wedza ndoro dzavho nau wana thikhedzo ine vha ṱoḓa yo teaho,” a amba.

Muofisiri wa vhudavhidzani kha tshiimiswa tsha Hollywood, Vho Vuyusile Ngobese, vho amba uri mushumo uyu ndi tshipiḓa tsha mushumo muhulwane, une na zwipiḓa une vha Hollywood vhoḓi imisela u ṋea masheleni a swikaho miḽiyoni dza malo wa dzi rannda u mona na shango hu na ndivho yau ṱuṱuwedza nau ṱhogomela vhana vha bvaho miḓini i shayaho. “Ro takala vhukuma uri ro kona u farana zwanḓa na muḓivhalea a fanaho na Temudzani kha mushumo uyu, izwi ndi ngauri ndi muthu ane avha na bono ḽi fanaho na bono ḽa tshiimiswa tshashu,” vha amba.

Vho Ngobese vho amba uri hu na mishumo minzhi ine ya ḓo itwa hu tshi thuswa vhagudiswa vha zwikolo u mona na Limpopo. Vha na fulufhelo ḽauri tshumelo idzi dzoṱhe dze dza itwa nga tshiimiswa itshi na vhafarisi vhavho kha zwa mabindu na mishumo yavho iḓo thusa u vhuisa tshirunzi tsha vhagudiswa vha bvaho miṱani i shayaho nau thusa vhabebi vhavho kha khaedu dzavho dzine vha ṱangana nadzo vha tshi vha alusa.

Date:13 February 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 159