Vhuṱambo hau thoma ha ‘Becoming’ ho rwelwa ṱari u tikedza vhaswa vha vhasidzana.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Nga Mugivhela wa ḽa fumbili-sumbe Phando ho farwa vhuṱambo hau thoma ha ṅwaha na ṅwaha a “Becoming”. Vhuṱambo uho ho farwa ho dzudzanyiwa nga Vho Muneiwa Tsanwani, vhane vhavha clinical data analyst, hone vho novha muṅwe wa vha khwine vha fumi-na-mbili kha muṱaṱisano wa vhonyalunako wa Miss World Afrika Tshipembe nga ṅwaha wa 2023. Vho fara vhuṱambo uhu fhasi ha dzangano ḽa Alfred Kutama. Vhuṱambo ho farelwa hodelani ya MGB ire Sibasa.

Vhuṱambo uhu ho loshwa nga vhafumakadzi vha bvaho kha nyendo dzau fhambana dza vhutshilo vhe vhavha vha khou hulisa vhuṱambo uho. Hovha vhafumakadzi vha fanaho na Neḓorobo vha tshiṱiriki tsha Vhembe Vho Tsakani Nkondo, Vho Tsakani Masia, muṋe vha Nakisani Business Enterprise, Dokotela Vho Jane Mufamadi, muofisi muhulwane wa Freedom Park Afrika Tshipembe; Vho Mokgati Loisa Mukwevho, muṋe waa Real Paints. Phurofesa Vho Netshandama, mulangi wa vhudavhidzani kha gudedzi ḽa Yunivesithi ya Venda; Vho Bele Ramunenyiwa, mutumbuli wa Miss Congeniality; Dokotela Vho Livhalani Sinyosi ubva kha muhasho wa pfunzo, vhagudiswa vha bvaho kha zwikolo zwau fhambana na vhagudiswa vha Yunivesithi ya Venda.

Nyambedzano dze dza farwa kha vhuṱambo uho dzo farwa nga vhafumakadzi vho bvaho kha mabuḓo o fhambanaho, hu tshi katelwa Vho Nene Thidiela, Vho Motheo Mokoto, Vho Mphoentle Plaatjie, Vho Felicity Tshikwatamba, Dokotela Vho Tshilidzi Netshishivhe na Vho Bontle Motsoedi.

Vho Tsanwani vhari ndivho ya u fara vhuṱambo uhu ndi u alusa vhuḓifulufheli kha vhafumakadzi vhone vhane nau thusa vhasidzana vhaswa nga ha nḓila dzau kunda khaedu dzine vha ṱangana nadzo kha vhutsilo hu tshi katelwa na fhethu hune vha bva hone. “Musi ri tshi amba nga ha ‘becoming’, rivha ri khou amba nga hau pfukha mikano ya tshifhinga na vhupo hune vhathu vha dzula hone. Ndi nga ha uḓi tumbula iwe muṋe, lwendo lwa u ḓi sedzulusa ubva vhudzivhani sa mufumakadzi, e muthu muhulwane kana muswa. ‘becoming’ asi u amba fhedzi, ndi u limuwa zwinzhi kha liga liṅwe na liṅwe line ra tshimbila, nau ḓi kukumusa nga tshenzhemo dzine ra fhira khadzo, zwoṱhe hezwo zwi ri ita vhathu,” vha amba.

Vho engedza uri vhuṱambo uhu ho kona u sika tshikhala tsha thikhedzo kha vhasidzana vhanzhi vhaswa ngau sedzana na avho vha bvaho miṱani i shayaho. “’Becoming’ yo ḓi imisela u sika tshikhala tsha u ṱuṱuwedza vhasidzana vhaṱuku uri vha kone u bveledza ndoro dzavho. Nga u farana zwanḓa na vha mbekanyamushumo ya Skills for the Future ire Yunivesithi ya Venda, vhuṱambo uhu ho kona u sumbedzisa uḓi vhudza ha ṱhanganyelano dzine dza tikedza mishumo ifanaho na vhuṱambo uhu,” vha amba.

Date:13 February 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 174