Ho netshedzwa masheleni a u vusuludza ḓorobo ya Thohoyandou

Tshiṱori nga: Silas Nduvheni. halutshedzo nga: Khathutshelo Raliphaswa.

Nga Lavhuṱanu ḽa ṱahe Luhuhi, hovha na muṱangano wa bveledziso we wa farwa luvhanḓeni lwa Ṱhohoyanḓou. Muṱangano uyo wovha u khou itea na mushumo wau netshedzwa ha mushumo wa zwiṱaraṱa wa Thulamela UIF kha vha Shell na tshiṱaraṱa tsha kale tsha KFC tshivhindini tsha ḓorobo ya Ṱhohoyandou.

Kha muṱangano uyo, ho ambiwa nga ha u wa ha tshivhindi tsha ḓorobo ya Ṱhohoyanḓou, zwine zwa bvusa khuḓano vhukati ha vhaendanganayo na vhareili vha zwiendedzi. Vha amba na nga ha u tshikafhala u mupo na ṱhahelelo ya zwishumiswa nga nḓila dzi vhuedzaho.

Nga murahu ha muṱangano uyo, Neḓorobo vha Thulamela Vho Athingozwidivha Sarah Rambuda, Thovhele Gole Mphaphuli na vha khoro ya musanda, vhashumi, Makhantselara, na vhadzudzanyi vha siviki vho ḓouya u ṱola hune ha ḓo shumiwa hone huu itela u ḓivhadza vhadzulapo na vhafaramikovhe nga ha tshumelo dzoṱhe. Vhe vha avhelwa thendela ndi vha HTE Construction Engineers, Vha Chauke Business Enterprise, na Vha Dawaila Phunga Joint Venture.

Uya nga Vho Nndwamato Tshilila, muambeli wa masipala wapo wa Thulamela, mugaganya gwama we wa vhetshelwa u fhedza mishumo iyi yoṱhe ndi masheleni a swikaho miḽiyoni dza fumbili-ṱhanu wa dzi rannda. Ndambedzo iyo yo bviswa kha tshikwama tsha masipala wapo wa Thulamela na gavhelo ubva kha vha muhasho wa masheleni wa Afrika Tshipembe.

Nedorobo Vho Rambuda vhari vhadzulapo vha Thulamela vha ḓo vhuelwa zwinzhi ubva kha mishumo iyi sa izwi dzi tshi ḓo engedza vhuṱumanyi na u wana tshumelo tshivhindini tsha ḓorobo ya Ṱhohoyanḓou. “Mushumo hoyu u dovha hafhu wavha nga ha u vusuludza bada huu itela u khwinisa tsireledzo na nḓila dzau wana tshumrlo kha vhadzulapo, zwiendedzi zwa shishi, na tshumelo dza ndeme. U dovha hafhu wa engedza nḓila dza u langa maḓi nau vusuludza mavhone a zwiṱaraṱani kha ḓorobo ya Ṱhohoyanḓou nga u shumisa sola,” vha amba.

Vho engedza uri bada dze dza khwiniswa dzi ḓo kunga vhaendela mashango na vhadzulapo vha vhupo ha Ṱhohoyandou, zwine zwa ḓo alusa ikonomi ya ḓorobo.

Date:16 February 2024

By: Silas Nduvheni

Read: 215