ADVERTISEMENT:
Munnaavhane Vho Sipho Motsoko vhe vhavha vhe refiri kha mutambo wa bola ya milenzhe. Tshifanyiso tsho bveledzwa.
Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Vhadzulapo vha vhupo tshiṱiriki tsha Vhembe vho kuvhangana mbulungoni ya mulanga mutambo wa bola ya mahayani, Vho Sipho Motsoko. Vho Motsoko vho lovha nga ḽa furaru-nthihi Phando vhuongeloni ha Louis Trichardt vhe na minwaha ya furaru-rathi nga murahu ha u lwa na vhulwadze ha tshifhinga nyana. Vho ḓou vhulungwa nga ḽa fumi Luhuhi kusini kwa Bale.
Vhe vha amba vho imela Safa Vhembe, Vho Ephraim Singo vhari muṱa wa bola ya milenzhe vho xelelwa sa izwi Vho Motsoko vhovha vhe muṅwe wa dzi thikho dza mutambo wa bola ya milenzhe, vhe vha vha vha tshi shuma vho ḓi kumedzela zwihulu kha mveledziso ya bola ya milenzhe. “Roṱhe rovha ro vhaisala nga murahu ha upfa nga ha u ri sia shangoni zwi songo lavhelelea,” vha amba.
“U bveleda vha langa mitambo vhavhukonizwi akonda, fhedzi Vho Motsoko vhavha vha tshi zwi ita nga nḓila yo leluwaho. Hunzhi kha mishumo yavho yau bveledza vhaṅwe, vhovha vha tshi shumisa zwishumiswa zwavho, izwi zwoṱhe vho zwi ita nga uri vhovha vhe na u swela u vhona vhana vha hayani vho bvelela zwavhuḓi kha buḓo ḽa zwa mutambo wa bola ya milenzhe,” vha amba.
Vho Colbert Nempumbuluni, vhe vha ṱuṱula vhukoni kha Vho Motsoko, vhari vhupo ha Vhembe ho xetshelwa nga muhaga vhevha vha vha tshi shela mulenzhe zwihulu kha u bveledza nau ṱuṱula vhukoni kha vharema.
Khaladzi a Vho Motsoko, Vho Jeaneth Motsoko, vhari sa muṱa vho xetshelwa vhukuma nga uri sia shangoni ha Vho Motsoko. Vhari Vho Motsoko vhavha vha tshi shela mulenzhe zwihulu kha u alusa mutambo wa bola ya milenzhe kha vhupo ha Vhembe.
Date:16 February 2024
Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.
Read: 207
ADVERTISEMENT
ADVERTISEMENT:
ADVERTISEMENT:
ADVERTISEMENT