Tshisima ndi munwe wa vha khwine vha 20 kha Miss South Africa Heritage.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Nyalunako wa kale kha muṱaṱisano wa Miss Limpopo Heritage, Tshisima Andy Mudau ane a bva Hamanavhela khala Vuwani, o vhalwa kha vhafumbili vha khwine kha muṱaṱisano wa vhonyalunako wa Miss South Africa Heritage 2024.

Vhonyalunako avho vha fumbili vha khwine vho anḓadzwa nga Sondaha, ya ḽa fumi-na-thihi Luhuhi. Uya nga mutumbuli wa muṱaṱisano uyu, Vho Tondani Tshilande, vhari muṱaṱisano uyu asi muṱaṱisano wa vhonyalunako zwawo, u dovha hafhu havha mushumo une wo ḓi sendeka kha u bveledza vhurangaphanḓa, a alusa mvelele na sialala, u takula mivhundu kha masia a u fhambana nau uvha na nḓivho kha mabindu. Vhutambo vhuhulwane ha muṱaṱisano uyu ho vhetshelwa u farelwa Gauteng nga ḽa fumbili-malo Khubvumedzi.

Tshisima (22) ndi mugudiswa wa gudedzi ḽa Vhembe TVET vhuponi ha Makwarela hune a khou gudela hospitality. “Kha nne haya ndi mathomo a buḓo ḽanga kha zwo uvha nyalunako sa izwi ndi tshi ḓovha ndi khou ṱaṱisana na vhaṅwe vhonyalunako u bva kha maṅwe mavundu. Ndo takala uvha fhano, hone ndi na fulufhelo ḽauri ndi ḓo vhuya na nguwane,” a amba.

Tshisima uri ndoro yawe asi uvha nyalunako a ḓivheaho fhedzi, u ṱoda uvha tsumbo kha vhaṅwe vhasidzana. “Ndo thoma zwa uvha nyalunako nga ṅwaha wa 2021, fhedzi ndovha ndi sa dzheneleli miṱaṱisano ya vhonyalunako sa izwi ndovha ndi mugudiswa. Nga ṅwaha wa 2022, ndo ḓou dzhenelela mutatisano wa Miss Matsila Online Radio, he nda kundelwa. Kha ṅwaha uyo nga ṅwedzi wa Lambamai, ndo ḓou dzhenelela Miss Limpopo Heritage, he nda vhuya na nguwane ya uvha khosikadzi,” a engedza.

Date:26 February 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 200