Rizoto ya Tshipise yo valwa lwa tshifhinga nyana

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Ho vuwa khuḓano fhethu haudibvubvusa , Forever Resort Tshipise vhege yo fhiraho musi vhaeni vhe vhavha vho sinyuwa vha tshi ṱoḓa mbuyelo ya masheleni avho murahu, izwi ndi nge vha pomoka vha vhalangi vhafhethu uho uri vho vha nea zwiḽiwa zwo tshinyalaho. Nga murahu ha u tenda uri na ngoho zwiṅwe zwa zwiḽiwa zwovha zwo tshinyala, vha vhulangi ha Tshipise vho ḓou pomoka vhaṅwe vhaeni uri vha khou ṱoḓa uvha dzhiela kana uvha fhura masheleni avho.

Nga Musumbuluwo wa ḽa fumi-na-ṱahe Luhuhi, tshigwada tsha vhathu vha swikaho fuṱhanu vho swika afho Tshipise vhe kha madalo a vhege nga kha pfumbudzo yavho ya u bveledza vhaswa ye yavha yo dzudzanywa nga vha muhasho wa zwa vhulimi. Uya nga ha vhuṱanzi he vha Limpopo Mirror vha vhudzwa, vhaṅwe vha vheni avho vhovha vho no ḓi isa mbilaelo dzavho nga ha zwiḽiwa zwe vhavha vho ṋeiwa musi vha tshi swika. Kha vhathu vhe hafarwa navho nyambedzano, ahuna wea ṱoḓa u bulwa dzina, fhedzi vho rumela ḽiṅwalo ḽa dzi mbilaelo ḽe ḽa iswa kha vha vhulangi ha Tshipise na zwinepe zwa zwiḽiwa zwe zwavha zwo tshinyala.

Kha ḽiṅwalo iḽo, vhaeni vhari vho vhudzisa nga ha zwiḽiwa nga murahu ha musi vhaṅwe vha vhaeni vhovha na mbilaelo dza mutakalo wavho. Zwiṅwe zwa zwiḽiwa u fana na zwimunemune zwe zwa netshedzwa vhathu zwovha zwo ṅwaliwa uri zwo tshinyala nga ṅwedzi wa Tshimedzi mahola. Mulangi vho humbelwa uri vha ite ṱhoḓisiso uri vha koneha u vha vhudza uri ndi ngani vhaeni vho ṋeiwa zwiḽiwa zwo tshinyalaho. Ho ḓou ḓiswa na mutevhe wa zwiḽiwa zwe vhaeni vhavha vha tshiri a zwongo fanela u ḽiwa.

Linwalo ḽo amba na nga ha u vhuyiselwa masheleni murahu ha vhaeni a mbadelo dzavho dza vhudzulo, na a zwiḽiwa zwe vha ṋeiwa, “ngauri vho ri ṋea zwiḽiwa zwo tshinyalaho vha tshi zwiḓivha, zwine zwovha zwo fanela zwo laṱiwa”. Vha vhulangi vho ḓou ṋeiwa ndaela yauri vha fanela u humisela vhaeni masheleni murahu nga Lavhuṱanu, la fumbili-raru Luhuhi, hone vhaṅwe vhavho vha ṋeiwe tshumelo ya zwa mutakalo.

Vha vhulangi ha Tshipise vho ḓou tenda uri vho ḓivhadzwa nga ha zwe zwa bvelela, hone na ṱhoḓisiso dzi kati. “Hu na maga e a dzhiiwa nga vha vhulangi uri vha ṱole vhengele ḽa zwiḽiwa afho Tshipise. Zwa zwino, ri nga khwaṱhisedza uri zwiṅwiwa na zwimunemune zwe zwa waniwa zwa ḓisiwa kha rine, zwo bvisiwa uri vhathu vha si renge. Ri nga dovha hafhu ra khwaṱhisedza uri zwiḽiwa zwe zwa ṋeiwa vhaeni vhengeleni ḽa zwiḽiwa zwovha zwi songo tshinyala,” hu amba muambeli wa Tshipise vhe vha hana u bulwa dzina.

“Ri dzhiela nṱha mutakalo na tsireledzo ya vhaeni vhashu na vhashumi ngau angaredza. Hu na maga e a dzhiwa na vha vhulangi fhano  na kha ofisi khulwane na vhane vha ri ḓisela zwiḽiwa, uri vha kone u ita ṱhoḓisiso kha zwe zwa bvelela. Zworalo hu dovha na vhusedzi na vhulangi ngomu fhethu hashu havhudibvubvusi sa nḓila yau thivhela tshiwo tshine tsha fana na itshi khau bvelela hafhu,” izwo zwovha zwo ṅwaliwa kha tshitatamennde.

“Kha muṱangano na vha vhulangi hafhethu afho havhudibvubvusi .... vhaimeleli vha sumbe vho ṱahisa uri vha khou imelela vhaeni vha fuṱhanu ... ndi he vha tenda uri vhovha vha khou lingedza u wana masheleni kha vha vhanguli vha Tshipise ... vho bvela phanḓa na u vha shushedza uri vha fanela uvha ṋeiwa masheleni kha dzi bannga dzavho hone vha sa ralo vha ḓo thivhela tshumelo dza kha fhethu afho., hune vha ḓo vala fhethu afho. Naho vha vhulangi vho lingedza u ambedzana navho ho ambiwa na vha tshumelo yau ita khumbelo dza vhudzulo,” hu amba muambeli wa Tshipise.

Khuḓano iyi yo imisa tshumelo ya afho fhethu. He muṅwe we a luma vha Limpopo Mirror nḓevhe ari vha vhulangi ha Tshipise vho fhedza vho ṋea vhaeni avho vhudzulo ha mahala ḓuvha lithihi.

Date:04 March 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 268