Vho Tshilidzi Musingadi vho fhira fhano shangoni.

Tshiṱori nga: Silas Nduvheni. Ṱhalutshedo nga: Khathusthelo Raliphaswa.

Maipfi a ndiliso obva nga vhunzhi u bva kha vhadzulapo vha vhupo ha Vhembe nga murahu hu pfa u fhira fhano shangoni ha muhaga kha muvhundu wa Tshidzini Vho Tshilidzi Musingadi. Vho Musingadi vha minwaha ya fuiṋa-ṱhanu vhovha vhe mudzulapo wa Tshidzini, nnḓa nyana ha Ṱhohoyanḓou. Vho lovha kha khombo ya moḓoro nga Musumbuluwo wa ḽa fumbili-rathi kha bada ya D523 (Khalavha) ire vhukati ha Nzhelele na Sibasa.

Vho Musingdi vhovha vhe na mishumo na maimo fhethu hunzhi, huṅwe hawo vhovha vhe mulanguli wa tshigwada tsha Punda Ria Investment. Vhovha vhe na lufuno luhulu kha mushumo wavho hone vhovha vhe mulambedzi muhulwane kha mushumo wa bembela wa 2024 Wetland Day, vho farana zwanḓa na vha muhasho wa mveledziso ya ikonomi, na vhuendela mashango wa Limpopo (LEDET), vha Yunivesithi ya Venda, na vha masipala wa tshiṱiriki tsha Vhembe. Vho Musingadi vho shela mulenzhe zwihulu kha u alusa nau rangaphanḓa mushumo wa mvelediso ya Dzivhani la Fundudzi.

Mushumo wau rwela ṱari bembela ḽa 2024 Wetland Day wo farelwa kusini kwa Tshiheni nga Ḽavhuvhili ḽa fumbili-sumbe.

Muambeli wa yunivesithi ya Venda, dokotela Vho Takalani Dzaga, vhovha muṅwe wa vhahulisei vhe vha isa maipfi a ndiliso nau sumbedza u vhaisala havho ngau fhira fhano shangoni ha Vho Musingadi. Vhari sa Yunivesithi iyi yovha yo farana zwanḓa navho kha mushumo wa sailala ya Vhavenda.

Neḓorobo muhulwne wa masipala wa Vhembe, mukantselara Vho Freda Nkondo, vhovha vhone tshipikara tshihulwane nga ḓuvha ḽa bembela ḽa 2024 Wetland Day ngei Tshiheni. Vho shumisa tshifhinga itsho u pfukhisa ndiliso dzavho kha vha muṱa wa ha Musingadi na vhashumisani vha Vho Musingadi.

Vho Musingadi vho vhulungelwa zwirabani zwa kusi kwa Tshidzini nga Mugivhela wa ḽa mbili Ṱhafamuhwe.

Date:05 March 2024

By: Silas Nduvheni

Read: 211