Kiḽiniki ntswa ya Magwadzha I khou shuma husina maḓi lwa minwedzi ya 11

Tshiṱori nga: GroundUp (Ndivhuwo Mukwevho). Ṱhalusthedzo nga: Khathutshelo Raliphaswa.

Kiḽiniki ntswa ya Magwadzhe kusini kwa Dumasi nnḓa nyana ha Ṱhohoyandou, vhari vha na minwedzi ya fumi-na-nthihi vha khou shuma vha si na maḓi au shumisa an unwa khavhalwadzwe. Vha masipala wa tshiṱiriki tsha Vhembe vhari vha muhasho wa mutakalo Limpopo avhango ḓisa tshumbelo yau wana maḓi ubva kha phaiphi khulwane ine ya ḓisela fhethu afho na vhadzulapo maḓi.

Vhaongi vha kiḽiniki iyo vhari vha tou renga maḓi kana dzi sanithaizer u di ṱanzwa zwanḓa vha sa athu u thusa vhaongiwa. Vhaongiwa na vhone vhari vha tou hwala maḓi ubva kha kiḽiniki ya kale ire tsini ire na mulonga wa maḓi ane vha a shumisa mabungani. 

Muṅwe wa vhashumi kiḽiniki iyo we a hana u bulwa dzina vhari vhaṅwe vha vhaongiwa, u fana na vhaimana vha kombetshedzwa u humela murahu mahayani avho. “Ri balelwa u thusa vhaimana u vhofholowa nga yone khaedu ya maḓi,” vha amba.

Muambeli wa muhasho wa mutakalo Limpopo Vho Neil Shaikwambana vhari kiḽiniki yo ṱumanywa na tshumelo ya masipala fhedzi dzi phaiphi dza masipala adzi iseli kiḽiniki iyo maḓi. Vho ḓou rumela vha GroundUp kha masipala wa tshiṱiriki tsha Vhembe.

Muambeli wa masipala wa tshiṱiriki tsha Vhembe Vho Matodzi Ralushai vhari phaiphi khulwane yo pfuluswa hone kiḽiniki yo isa khumbelo ntswa yau wana maḓi ubva kha phaiphi iyo. “Vha kiḽiniki vho ḓisa khumbelo yau wana maḓi he ravha vhudza khathihi na vha muhasho wa mutakalo uri vha fanela u isa khumbelo yau ṱumanywa hafhu nga vha masipala. Fhedzi u swika na zwino, ari athu u wana khumbelo yavho,” Vho Ralushai vha amba.

Vho engedza ḽauri vha masipala na vha muhasho wa mutakalo vha a ḓivha nga ha khaedu iyi hone vho eletshedzwa nga vhuronwane.

Vho Mulatedzi Ramaano, tshanḓa tsha muphuresidende wa dzangano ḽa Health and Allied Workers Indaba Trade Union (HAITU) vhari vha muhasho vhovha vha songo fanela u pfulusa tshumelo dza mutakalo uya kha kiḽiniki ya Magwadzha husina maḓi. Vho Ramaano vhari muhasho yovha usina ndavha na ṱhoḓea dza vhaongiwa.

Vha tshi vhudziswa uri ndi ngani vha songo isa khumbelo yau ḓiselwa tshumelo ya maḓi, Vho Shikwambana vhari vho lindela zwidodombedzwa ubva kha vhashumisani vhavho. Naho vha GroundUp vho lingedza u tevhela nga ha fhungo iḽi, vhovha vha sa athu u wana phindulo musi tshiṱori itshi tshi tshi anḓadzwa.

Date:12 March 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 165