A rilwe na zwiito zwau tambudzana zwikoloni

Tshiṱori nga:Victor Mukwevho. Ṱhalutshedzo nga: Khathutshelo Raliphaswa.

Mugudiswa wa tshikolo tsha nṱha tsha Silamela, Zwidofhela Netshiungani, we aḓi haṱula vhutshilo  nga Lavhuvhili ḽa fumbili-sumbe Luhuhi nga murahu hau tambudzwa tshikoloni nga vhaṅwe vhagudiswa o vhulungwa nga Sondaha mavhiḓani a Khubvi. Zwidofhela ovha e na minwaha ya fumi-na-rathi.

Vhafunzi vhe vha fara tshumelo ya mbulungoni iyo, Vhafunzi Vho Billy Mudau vho kaidza vhagudiswa vhane vha dzulela u tambudza vhaṅwe vhagudiswa zwikoloni uri vha ṱutshele kule na zwiito izwo zwine zwa ṋea vhaṅwe vhagudiswa mitsiko hune vha swika kha uḓi haṱula matshilo avho ngau kundelwa u konḓelela mitsiko iyo.

“Vhabebi vha vheiwe vho ni rumela zwikoloni uri ni gude nivhe na vhumatshelo havhuḓi, ṱutshelani u tambudza vhanwe vhagudiswa nga vheiwe,” vha amba.Vho engedza ḽauri kereke yavho i wanala nga murahu ha tshikolo itsho tsha Silemale, hone vha dzulela u ṱola nau vhona vhaṱhannga na vhasidzana vha tshi ṋenga vha shavha tshikoloni tshi sa athu u bva. “A nongo rumelwa u thoma miṱa ya vheiwe. Sedzanani na mishumo ya vheiwe ya tshikolo ni ṱutshele zwinwe zwa shango,” vha engedza.

Mudzulatshidulo vhadzangano lavhadzulapo( Siviki) ya Khubvi, Vho Tsumbedzo Ratshilumela, vho ita khuwelelo kha vhabebi uri vha fanela u tikedza vhana vhavho kha ngudo dzavho. “Khaedu ine ra ṱangana nayo kha tshikolo tsha Silemane ndiuri vhabebi avha tikedzi vhagudisi na muhasho wa pfunzo khau amba nga ha zwine vhagudiswa vha ṱangana nazwo zwikoloni,” vha ombedzela. Vha tshi amba vho sinyuwa vho ṱahisa ḽauri vhabebi naho vho rambiwa kha miṱangano zwikoloni avha vhonali kha miṱangano iyo.

“Zwa zwino ri tshi amba, ahuna khoro mbusi kha tshikolo itshi.  U tambudzana ha vhagudiswa kha tshikolo itshi zwo novha nḓowelo, hone ahuna zwine vhagudisi vha nga iti. Sa vhabebi, vha ḓipfa hani vha tshi swika hune vha vhulungwa ṅwana we a tou ḓi haṱula vhutshilo nga hone u vhangelwa mutsiko ngau tambudzwa nga ṅwana wavho?” vha vhudzisa mbudziso.

Vho engedza uri mishumo ya vhagudiswa tshikoloni i khou tsela fhasi nga dzi phesenthe kha kushumele kwavho ngauri vha dzulela u sedzana na u tambudzana ha vhagudiswa u fhira mishumo ya tshikolo. “Na mvelelo dza maṱiriki dzovha dzi sa takadzi naluthihi. Sa vhadzulapo vha Khubvi ri apfa ri tshi rwiwa nga ṱhoni. Lufu luthihi ndi mpfu nnzhi, hezwi zwau tambudzana ndi zwiito zwine zwa fanela u fhela zwino,” vha amba.

Date:18 March 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 163