Vhagudiswa vha khou ṱuṱuwedzwa u vhulunga maroroma

Tshiṱori nga: Silas Nduvheni. Ṱhalutshedzo nga: Khathutshelo Raliphaswa.

Vha masipala wa tshiṱiriki tsha Vhembe (VDM) vho farana zwanḓa na vha muhasho wa mveledziso ya ikonomi, vhupo na vhuendi (LEDET) na vha Yunivesithi ya Venda, vhovha na vhuṱambo hau pembelela ḓuvha ḽa maroroma kusini kwa Tshiheni nga ḽa fumbili-sumbe. Kha vhuṱambo uho ho anḓadzwa vhe vha kunda kha muṱaṱisano wa zwikolo wa zwa maroroma, Lake Funzdudzi.

Vho Muofhe Masutha, muofisiri vha bvaho kha LEDET, vho ṋea zwidodombedzwa nga vhuḓalo zwa muṱaṱisano uyo kha vhagudiswa vha bvaho kha zwikololo zwa u mona na kusi kwa Tshiheni, he vhari vhagudiswa vho eletshedza u sika nyanḓadzo nauḓi lugisela u amba nga ha vhundeme ha maroroma, vho sedza Lake Fundudzi na maroroma a tsini.

Vhe vha kunda kha tshiteṋwa tsha vhahulwane hovha vha tshikolo tsha nṱha tsha Khakhu. Mudededzi wavho, Vho Ailwei Mathabi, vhovha vho dala nga dakalo musi vha tshi pfa uri ndi vhone vhe vha kunda u fhira zwikolo zwoṱhe kha muṱaṱisano uyo. “Rovha ro ṋeiwa ndaela yau sedzulusa vhundeme hau tsireledza maroroma na nḓila dzine rine vhathu vhane ra dzula tsini na maroroma ra nga khwinifhadza maroroma ayo. Zwovha zwi tshenzhemo yavhuḓi kha vhagudiswa vhashu. Zwine zwa engedza dakalo lashu, ndiuri ro unda ranewa na lwendo. Ri nga nanga uya Mapungubwe kana vhugalaphukha ha Krugaer National Park,” vha amba.

Neḓorobo muhulwane vha masipala wa tshiṱiriki tsha Vhembe, mukhantselara Vho Freda Nkondo, vho ṱahisa nga vhuḓalo vhundeme hau tsireledza maroroma. “Ndi ita khuwelelo kha vharangaphanḓa vhoṱhe vha mivhunduni uri vha dzhie maga au funza nau ḓisa tshanduko kha vhadzulapo vha mivhunduni nga hau tsireledza maroroma,” vha amba.

Khosi Vho Thandululo Tshivhase vhari maroroma ndi a ndeme kha tshanduko ya vhupo. Vhari vhathu vha fanela u farisana khau vhulunga maroroma.

Zwikolo zwa fumi-na-mbili zwa ubva Tshiheni na vhupo ha tsini vho dzhenelela muṱaṱisano uyo. Tshikolo tshe tsha dzhia vhuimo hau thoma ndi tshikolo tsha fhasi tsha Tshidzivhe (kha mirole ya fhasi), tshikolo tsha fhasi tsha Tshidzivhe (tsha mirole ya vhukati) na tshikolo tsha nṱha tsha Khakhu (kha mirole ya nṱha)

Date:18 March 2024

By: Silas Nduvheni

Read: 125