Vho Colbert Mukwevho vha ḓo kanḓisa aḽibamu yavho itshi vhoniwa nga vhathu

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Muṅwe wa vhoramuzka vha khwine kha muzika wa rege vha fhano kha ḽa Afrika Tshipembe, Colbert Mukwevho, vhokanḓisa muzika wa aḽibamu yavho zwi tshi vhoniwa nga vhathu ngei Fhethuhavhudimbumbusi a Babylon ire Ṱhohoyanḓou nga Mugivhela wa ḽa furaru Ṱhafamuhwe.

Vho Colbert, vhane vhaṅwe vha vha vhidza nga ḽa “Godfather of reggae music”, vho no vhambedzwa na madzhakanḓila kha muzika wa rege u fana na Bob Marley. Kha u kanḓisa muzika uhu, vha ḓo shuma na bennde yavho i konaho, hone zwa zwino vha kha dzi nḓowenḓowe ḓuvha ḽiṅwe na ḽiṅwe.

Vho Colbert vho bebwa Tshitomboni tsha ha Mmbubana. Lwendo lwavho kha muzika lwo thoma nga minwaha ya gidiḓaṱahe fusumbe, vha tshi imba na bennde ya muṱa, The Thrilling Artists. Vho ḓou thoma tshavho tshigwada, ‘The Comforters’, vha anḓadza dzi aḽibamu dza tshivhalo. Vho ḓou phuletshedza kha lwendo ulu nga aḽibamu yavho ya “Month End Lovers”, ye yavha na nyimbo ye ya ita bvumo ya “Immortal Words”, ye ya takalelwa nga vhatevheli  vha muzika wa rege.

Nga ṅwaha wa gidiḓaṱahe fuṱahe-mbili, aḽibamu yavho ya “I ḓo nela roṱhe” nayo yo ḓa na nyimbo ya bvuma ye ya vhidzwa, “Kha tambe na thanga dzawe”. Luimbo ulu lwovha lwo livhiswa kha vhasidzanyana vhane vha vha na vhushaka hau funana na vhathu vhahulwane khavho. Lwo ḓou takadza vhathu lwe lwa swika kha u takalelwa u mona na shango, lwa touvha luimbo lwa lushaka, zwo tou vha vhea kha luvhanḓe lwa muzika tshoṱhe.

Vho Colbert vhari nga ḓuvha iḽi lau kanḓisa muzika zwi tshi vhoniwa hu ḓovha na zwigwada zwau fhambana zwine zwa ḓo mbvumbvusa vhathu. Vhanwe vhane vha ḓo mbvumbvusa vhathu ndi Khakhathi and Friends, Ramzeey, P. Postman, na Humbulani Ramagwedzha.

Date:01 April 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 197