Phethani Mabala uḓo imelela Limpopo ngei Western Cape.

Tshiṱori nga: Kaizer Nengovhela. Ṱhalutshedzo nga:  Khathutshelo Raliphaswa.

Mugudiswa wa murole wa vhufumi-na-nthihi kha tshikolo tsha nṱha tsha Vhulaudzi ngei Tshitavha, Phethani Mabala (19), uri u na fulufhelo ḽauri uḓo shuma zwavhuḓi kha mbambe dza u gidima, u fhufha, nau laṱela (Track & Field Champions) ya vhagudiswa vha zwikolo zwa nṱha ine ya ḓo farelwa vunḓuni ḽa Western Cape. U ḓo dzhenelela mbambe ya u gidima mithara dza zwigidi zwiṱanu na mithara dza zwigidi zwiraru kha tshigwada tshavhafumakadzini.

Phethani o fhenya kha mbambe dza vhugwena dza tshiṱiriki dze dza farelwa tshikoloni tsha nṱha tsha Louis Trichardt, a fhirela kha mbambe dza vunḓu dze dza farwa nga ḽa malo Ṱhafamuhwe luvhanḓeni lwa Oscar Mphetha ngei Bulugwane. U fhenya hawe kha mbambe idzo mbili zwo mu fhirisela kha mbambe dza u mona na shango ḽashu hune vhagudiswa vha ḓo ṱaṱisana kha mbambe dzine dza ḓo farelwa luvhanḓeni lwa Dal Josaphat Athletics, ḓoroboni ya Paarl, Westren Cape, u bva nga ḽa raru u swika ḽa rathi Lambamai.

“Kha nṋe ndi u wedza ha ndoro, u ḓi wana ndi khou ṱaṱisana na vhaṅwe vhagidimi makone vha bvaho kha zwikolo zwau mona na shango ḽashu. Ndovha ndi sa athu u humbula uri ṅwananyana a bvaho vhuponi ha mahaynai sa nne ndi nga swikelela he nda swika hone,” a amba.

Lwendo lwa Phethani lwo thoma a tshi gidima tshikolo atshe kha mirole ya fhasi he a kone u wana pfufho kha miṱaṱisano yau gidima. Ṅwaha wo fhiraho o kunda kha tshiteṅwa tsha vhafumakadzi vhaṱuku kha vhuṱambo ha SA Run 4 Cancer hau gidima khiḽomitha dza fumi, he ha farelwa Mall of the North.

Sa vhaṅwe vhatambi na vhagidimi vha vhupo ha mahayani, Phethani u khou shaya vhalambedzi hone u khou ṱangana na khaedu ya masheleni. “Khaedu ya hayani ya masheleni ai ngaḓo nthivhela khau swikelela ndoro dzanga. Ndi humbela thuso ya masheleni kha vhadzulapo vha muvhunduni washu na vha tshiṱiriki tsha Vhembe sa izwi ndi na ṱhahelelo ya zwiambaro zwo teaho zwau gidima, na zwo shumisa kha muṱaṱisano. Ndi dovha hafhu nda takalela uvha muraḓo wa kiḽabu , fhedzi zwa zwino athi ḓivhi  nḓila dza uḓi ṅwalisa kha dzi kiḽabu,” a amba.

Phethanu uri u livhuwa mugudisi wawe, Vho Norah Mudzielwana, kha u mu ṱuṱuwedza na umu ṋea thikhedzo yoṱhe.

Date:02 April 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 175