Muloshi wa kerekeni vho thuntshiwa luvhili vha lovha ngomu kerekeni

Tshiṱori nga: Victor Mukwevho. Ṱhalutshedzo nga: Khathuthselo Raliphaswa.

Bulayo ḽa tshiṱuhu ḽa muimbi wa khwairi a ḓivheaho ḽe ḽa bvelela nga tshifhinga tsha tshumelo ya kereke kusini kwa Makonde Shadani nga Mugivhela, ḽo sia vhadzulapo vho akhadzwa nga tshiwo tshoiteaho kha muvhundu uyo. Mufumakadzi we a thuntshiwa, vho thuntshiwa nga munna wavho luvhili a sa athu u shavha afho kerekeni.

Vho Funanani Mbedzi Mundalamo vhovha vhe mudzulapo a ṱhonifhiwaho kha muvhundu wa Khubvi. Vhovha vhe na bindu ḽavho ḽa mavhudzi ḽa Funi’s Hair, fhedzi vhovha vhe muthu ane a fhedza tshifhinga tshinzhi vhe kerekeni sa muloshi.Mufumakadzi uyo na  Wawe vhovha vhekati na zwathalana ya zwamulayo.

Uya nga muambeli wa mapholisa a fhano Limpopo Colonel Malesela Ledwaba, tshiwo itsho tsho bvelela nga madekwana nga awara ya vhurathi musi tshumelo i kati. Kha kereke iyo hovha hu na tshumelo ya paseka tsini na muratho wa Mutale.

Kha vhuṱanzi vhu re hone, Vho Mundalamo vhovha vhe ngomu kerekeni musi hu tshi swika munna aya khavho, o ḓou bvisa tshigidi a vha thunthsa luvhili a songo amba zwinzhi khavho. Zwezwo tshiwo tshi tshi bvelela, vhunzhi ha miraḓo ya tshivhidzo vho ḓou shavha vha tshi ṱoḓa u phulusa matshilo avho. Vho Mundalamo vho ḓou lovha na zwenezwo nga mafuvhalo au thuntshiwa.

“Muhumbulelwa o ḓou shavha nga tshiendedzi tsha Toyota Corolla. Naho zwa zwino tshivhangi tsha bulayo tshi sa ḓivhei, thaidzo dza muṱani asi zwine zwa nga thudzelwa kule zwa zwino,” Vho Ledwaba vha amba.

Tshiwo itshi tsho vhilaedza vhunzhi ha zwigwada zwine zwa imelela pfanelo dza vhathu na u lwa na zwiito zwau tambudzana ha mbeu kha vhupo ha Vhembe. Muambeli wa tshiimiswa tsha Tshenuwani Farisani, Vho Kenny Mathivha, vhari tshiwo tshi fanaho na itshi tshe tsha bvelela kerekeni vha kha tshumelo yau pembela paseka na vhuvha hayo zwi tou sumbedza uri ri tshila kha ḽifhisa ḽine ḽo tshinyala vhukuma. Vho engedza zwauri vho vhudziwa zwauri Vho Mundalamo na mupondi vhovha vhe kha nzudzanyo dza ṱhalano hone vhovha vha sa dzuli vhoṱhe zwa zwino. Vhovha vha tshi ya kha tshivhidzo tshithihi he mupondiwa vhavha vhe muloshi hone.

“Ri kaidza u tambudzana hoṱhe, hone na uhu ri tou ombedzela khaho. Naho mupondi na mupondiwa vhovha vhe na dzi khuḓano, azwingo fanela u swika kha uri munwe muthu a vhulawe,” Hu amba muraḓo wa tshiimiswa Vho Dokotela Tshenuwani Farisani. Tshiimiswa itshi tshi khou thusa vha muṱa nga uvha ṋea thikhedza kha zwine zwo bvelela na zwine vha khou ḓi pfisa zwone zwa zwino. Vho dovha hafhu vha humbela vhadzulapo vha Khubvi, Makonde, Tshifudi na Vondwe uri vha thuse ngau ṋea vha muṱa thikhedzo ine vha nga kone

Vho Mundalamo vha ḓo vhulungiwa mavhidani a Khubvi nga Sondaha. Vho sia vhana vhavhili, vharathu vhavhili, Lienth na Pertunia Mbedzi, na khaladzi, Ntshengedzeni Trevor Mbedzi. .

Muhumbulelwa kha bulayo iḽi, mudededzi Vho Eric Mundalamo (54) vho ḓou ḓi netshedza mapholisani. Uḓi vhonadza havho khothe hau thoma ho bvelela nga Ḽavhuraru he vha ḓi vhonadza khothe ya madzhisiṱiraṱa wa Ṱhohoyanḓou nga matsheloni. Mulandu wavho wo fhireselwa phanḓa kha ḽa fumi Fulwi uri vha kone u humbela beiḽi nau bvela phanḓa na ṱhoḓisiso. Zwa zwino vha tshe tshiṱokisini.

Date:05 April 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 296