Masisi vho fara bepha ḽa nga ha mvelele.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Lidzhakanḓila kha nḓowetshumo ya radio Vho Russel”Razzmataz”wadivhea sa Tshiendangoho Mashige vho ombedzela ḽauri lushaka lusina mvelele lu fana na lushaka lo lwohelaho hone ndi lushaka lune aluna vhumatshelo havhuḓi. Vho Mashige vho amba izwi kha bepha ḽa mvelele ḽa  sialalw ngei Masisi ḽe ḽa farelwa rinngini ya dzi thekhisis ya Masisi nga Musumbuluwo, wa ḽau thoma ḽa Lambamai. Bepha iḽo ḽovha ḽo dzudzanyiwa nga mulwela mvele Vho Lindelani Masikhwa.

Hovha na zwigwada zwinzhi zwa mitshino ya Sialala zwe zwa tshina nga ḓuvha iḽo kha muṱaṱisano we wa farwa hanefho. Tshigwada tsha Rotakuwa Nayo Sialala ndi vhe vha kunda, vho ṱuwa na tshiphuga na ṱhanziela.

Musi vha khou amba na vhaeni na vhathu vhe vha dzhenelela miṱaṱisano, Vho Masikhwa vhari vhathu vha sumbedza vho no hangwa nga ha vhubvo havho, vha khou furalela mvelele na maitele a vhubvo havho. “U vhona mvelele yashu i tshi lozwea ndi zwithu zwine zwa ḓisa vhuṱungu kha rine. Sa lushaka ri vhonala sa vhathu vhane vho hangwa hune vha bva hone, hone ro no dzhia nḓila na mvelele dza tshaka dza seli sa nḓila dzau tshila. Zworali na murafho u ḓaho u ḓo balelwa u ḓivha vhubvo na vhuyo,” vha amba.

Vho Masikhwa vhari bepha iḽi ḽovha ḽi ndila yau shela mulenzhe khau vhulunga mvelele yashu. “Ri khou lingedza u vusuludza nḓila yashu ya vhutshilo. Vhaswa vhashu vho xela tshoṱhe, izwi ndi zwine zwa vhanga uri vhaswa vha tshila vha si na ndango yo fanelaho. Izwi zwi fanela u thivhelwa nga u vha ṱuṱuwedza u dzhiele nzhele vhubvo havho. Na rine ro ṱuṱuwedzea nga u vhona vhadzulapo vha mivhundu yashu vha tshi ṱoḓa u ḓivha nau vhulunga mvelele na vhubvo hashu. Izwi zwi a ri maanḓafhadza na u ri ṋea fulufhelo ḽauri mvelele yashu iḓo vhulungea,” vha amba.

Vha tshi amba kha bepha iḽo, Vho Razzmataz Mashige vho ita khuwelelo kha vhadzulapo uri vha vusuludze nau vhulunga maitele a mvelele ane aḓo vhuyedza kha murafho u ḓaho. Vho livhuwa mudzudzanyi wa bepha Vho Lindelani Masikhwa nga u kona u ita mushumo u fanaho na uyu. “Ndi nga kha tshumelo dzi fanaho na niyi hu ne vhadzulapo vha kona u kovhelana nḓivho nga ha vhubvo na mvelele yashu. Ari kunge vhathu kha u ḓa u ḓivha nga ha mvelele na vhubvo hashu,” vha amba.

Date:08 April 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 128