Mavemu vho ṱangula Pep Cell ya Elim

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhugevhenga hau ṱangulwa ha mabindu vhu khou vhonala vhu khou anda kha mavhengele tserekano a Elim, izwi ndi nga murahu ha musi mavemu vha tshi tshea ṱhanga ya mavhengele tserekano ya Elim vha dzhena kha ḽiṅwe ḽa mavhengele mahulwane afho, Pep Cell. Izwi zwo bvelela nga Lavhuṱanu ḽa fumi-ṱahe Lambamai. Vho ḓou ṱangula masheleni a songo bulwaho tshivhalo na dzi ṱhingokhwalwa. U ṱangulwa uhu hu tevhela u ṱangulwa ha vhengele ḽa Total Sports he ha ṱangulwa miṅwedzi miraru yo fhiraho kha mavhengele tserekano a Elim, he vha ṱangulwa phere dza zwienda zwa fumi-rathi, ṱhingokhwalwa dza fuṱhanu-rathi na zwiṅwe zwirengiswa hanefho.

Zwiwo zwau ṱangulwa zwi khou sia vharengi vha tshi vhilaela nga ha tsireledzo yavho na nga ha vhulindi ha tsireledzo afho mavhengeleni a Elim. Muṅwe wa vharengi vhe vha hana u bulwa dzina, vhe vha amba na vha nyanḓadza mafhungo ya Limpopo Mirror, vho ṱahisa u vhilaela uri mavemu aya vha sumbedza vho tou sedzana nau ṱangulwa mavhengele ane aḓi tika nga vhulindi ha mavhengele tserekano fhedzi.

Vho Patrick Mashau, mudzulatshidulo vha tshiimiswa tsha muvhundu wa Elim, vhari vhalindi vha tsireledzo kha mavhengele tserekano afho vha fanela u sedzana na tsireledzo ya vharengi u fhira u sedza dzi rasithi dza vharengi mavhengeleni. “Ndi kale ri tshi sumbedzisana na vhalangi vhamavhengele ayo uri vha fanela u khwaṱhisa vhulindi kha mavhengele tserekano uri vha tsireledze vhupo na vharengi. Ri do kombetshedzea u dovha hafhu ra isa mbilaelo dzashu kha vhavhulangi sa izwi vhugevhenga afha vhu khou anda. Vhugevhenga uhu vhu khou anda nga nḓila i vhilaedzaho,” vha amba.

Muambeli wa mapholisa fhano Limpopo Brig Hlulani Mashaba vho khwaṱhisedza tshiwo. “Mapholisa vho vhigelwa nga ha tshiwo itshi nga matsheloni a ḓuvha iḽo musi mulangi wavhengele la Pep Cell a tshi swika mushumoni. Mapholisa vho ḓou vula mulandu wa u ṱangulwa ha bindu, hone ṱhoḓisiso zwa zwino dzi khou bvela phanḓa,” vha amba Vho Mashaba.

Ane avha na vhuṱanzi vhune ha nga thusa mapholisa kha mulandu uyu uri vha fare vhahwelelwa vha nga isa muvhigo kha tshiṱithsi tsha mapholisa tsha tsini navho kana vha founela nomboro dza lushaka dzau thivhela vhugevhenga dza 08600 10111 kana vha tou shumisa MySAPSApp.

Date:29 April 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 294