ADVERTISEMENT:

 
 

Vho Tshepiso Mphidi vhane vhavha mune wa dzhendedzi ḽa zwa vhonyalunako vho ima na pfufho yavho. Tshifanyiso tsho bveledzwa.

Mugudisi wa zwa vhonyalunako vho pfufhiswa pfufho ya vunḓu 

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Mugudisi wa zwa vhonyalunako a dovha avha mune wa dzhendedzi ḽa zwa vhonyalunako Tshepiso Mphidi vho amba zwauri u pfufhiwa pfufho iyi zwo vha ṱuṱuwedza uri vha shume vho ḓi imesela na uḓi nekedzela kha u thusa vhaswa kha nḓowetshumo ya zwa vhonyalunako. Vho Mphidi vhovha muṅwe wa vhathu vhe vha pfufhiwa nga pfufho kha vhuṱambo ha dzipfufho ha vhafumakadzi kha mabindu, he ha farwa Bolivia Lodge ngei ṅ Bulugwane nga Mugivhela wa ḽa fumi-iṋa Shundunthulu.

Vho Mphidi, vhane vha bva Tswinga nnḓa nyana ha Ṱhohoyanḓou, ndi mutumbuli wa tshikolo tshine tsha vhidzwa African Diamond Modelling School tshine tsha wanala Ṱhohoyanḓou, Golgotha. Vha na tshendzhemo ya minwaha i hovhelelaho ya fumi kha nḓowetshumo ya zwa vhonyunako. Tshenzhemo iyo vho i wana vha tshi dzhenelela miṱaṱisano ya vunḓu, ya lushaka, na yau mona na ḽifhasi

“U pfufhiwa ngapfufho iyi zwo ntsia ndi na dakalo fulu. Zwovha zwi tshi tounga muḽoro wo wedzaho kha nne sa izwi ndovha ndi na ndoro yau aluwa zwihulu kha nḓowetshumo ya zwa vhonyalunako hone ndovha ndo ḓi vhetshela ndivho nndzhi. Ndivho yanga yau thoma hovha u ṱoḓa u fhaṱa tshikolo tsha zwa vhonyalunako, fhedzi u wana pfufho iyi zwi tou sumbedza zwauri zwikhala ndi zwinzhi zwine zwa ḓo vulea kha nne. I dovha hafhu ya alusa na tshiimo tsha dzhendedzi la zwa vhonyalunako, i tshi sumbedzisa zwari ri khou aluwa nau vhonwa mishumo yashu kha luṱa kana vhuimo ha vunḓu. Hezwi zwi touvha nḓila yau ṱuṱuwedza nṋe na vhagudi vhanga. Zwi tou ri sumbedza zwauri ri khou tshimbila kha nḓila yone-yone,” vha amba.

Vho Mphidi vhari vho no thusa vhonyalunako vhanzhi kha minwaha yo faho, hune vhaṅwe vho noḓi dzhenelela miṱaṱisano minzhi ya vhonyalunako.

“Vhaṅwe vha vhasidzana vhanga vho no ḓi sikela madzina kha nḓowetshumo iyi. Muṅwe wavho ane avha Zaidah Mbulaheni, ndi ene Miss Makhado Royal wa zwino. Tshipikwa tshashu ndi u vhona vhasidzana vha vhupo hashu vha tshi aluwa kha nḓowetshumo iyi. Vhupo hashu ho ḓala vhathu vhare na vhukoni, fhedzi vhunzhi havho avha athu u wana zwikhala zwau sumbedzisa vhukoni haho. Sa tshikolo, ri na ndoro yau bveledza khosikadzi ya lushaka kha nḓowetshumo iyi, hone nga nḓila ine ra shuma ro ḓi nekedzela ngayo, ri tenda zwauri ḽiṅwe ḓuvha muḽoro washu uḓo wedza. Pfufho iyi i dovha hafhu ya ri ṋea khaedu yauri zwa zwino muṅwe na muṅwe o ri lavhelesa vha khou sedza arali ri tshi ḓo aluwa ra fhira hune ravha hone zwa zwino,” Vho Mphidi vha amba.

 

Date:22 May 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 152

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT