Vha Gift of the Givers na vha KFC vho farana zwanḓa u netshedza zwiḽiwa kha vhathu vha Hamatsila

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Dzangano ḽa u mona na ḽihasi ḽau thusa vhathu vho welwaho, Gift of the Givers, vho farana zwanḓa na vha vhengele ḽa zwiḽiwa, KFC, khau ḓisela vhadzulapo zwiḽiwa dzi sentharani dza u netshedza zwiḽiwa kha vhadzulapo vhane vha dzula kha zwisi zwa Hamatsila na zwa tsini.

Kha mushumo uyu vha khou shumisana na murangaphanḓa wa sialala, Khosi Vho Livhuwani Matsila, vhe vha thusa khau ḓivhadza dzangano iḽi nga ha senthara dzau netshedza zwiḽiwa na vhathu vhane vha vhuyedzwa kha senthara idzo. Mbekanyamushumo iyi i dovha hone lwa ṅwaha muthihi hune ya ḓo netshedza zwiliwa vhathu vha paḓaho zwigidi zwivhili ḓararu, hone hu tshi ṋeiwa vhathu vha zwigidi zwa ḓaṱhanu nga ṅwaha.

Nga tshifhinga tsha mushumo wa u rwela ṱari mbekanyamushumo iyi nga Lavhuraru ḽa malo Shundunthule, Khosi Vho Matsila vho huliswa nau rwelwa zwanḓa zwi tshi tevhela u kona u dzudzanya havho mushumo uyu wau lilisa vhashayi nga zwiḽiwa. “Sa vharangaphanḓa, ri fanela u guda ubva kha Vho Matsila nga ha u ṱhogomela vhathu na u rangaphanḓa vhalanda vhashu nga nḓila dzine vha vhuyedzwa. Ri khoḓa vha Gift of the Givers nga uvha na ndavha na vhashayi vha mivhundu yashu,” hu zwa Mailausumbwa Vho Kennedy Tshivhase, vhe vhavha muṅwe wa vhaambi kha vhuṱambo hau rwela ṱari.

Vhuṱambo uho ho loshwa nga vhahulisei na vharangaphanḓa vha Muvhuso, hu tshi katelwa MEC vha zwa mutakao fhano Limpopo, Dr Phophi Ramathuba, MEC vha zwa mveledziso ya vhushaka, Vho Nandi Ndalani, neḓorobo muhulwane vha masipala wa tshiṱiriki tsha Vhembe Vho Freda Nkondo, na neḓorobo vha masipala wa Collins Chabane, Vho Shadrack Maluleke. Ha dovha havha na muimeleli wa Gift of the Givers, Vho Hlubekazi Ntshobane.

Date:22 May 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 183