‘U rothola ha mbilu ndi u rula hayo; mihumbulo ya awela biso na mabiso, zwa khanani zwi tshi wana vhudzulo kha vhaṋu na vhalala. Zwo hevhedzwaho zwi tshi vho endela kha vhano na vhaḽa, ndi wone muga wa ano na aḽa a simiwaho kha ino Khaṋo Ya Vhakololo.’ – Rotenda Gavhi, muṅwali-murendi U bva u tumbukani ha Vhakololo Press nga ṅwaha wa 2015, ro vha tshiimiswa tshi takalelaho u bveledza vhaṅwali vhane a vha athu vhuya vha ḓiwana vho no ganḓiswa huṅwe fhethu. Tshipikwa ho vha hu u tikedza vhaṅwali avho khathihi na uri hu swikiswe maṅwalwa avho tshitshavhani. Kha ino bugu, ro ita khuvhanganyo ya zwirendo u bva kha dzibugu nṋa dza vhaṅwali vhe dzibugu dzavho dza zwirendo dza u tou thoma dza ganḓiswa na u bveledzwa nga riṋe. Zwino ri tshi amba ri ri: ḓikanzweni nga vhurendi ha vhaṅwali avha – Olga Masakona, Takalani Lishivha, Phindulo Cynthia Mbeleyathonga na Nndanduleni Mulaudzi.
