Mathilda oḓi imisela uḓi sikela dzina nga u vhaḓa.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

U ṱahe ha vhulwadze ha Covid-19 zwo sia vhanzhi vho xetshelwa nga mishumo, zwo ralo na kha Mathilda Avhashoni Mamatseane we avha e na mushumo kha innwe ya dzi bannga dza nṱha dza Afrika Tshipembe. Nga hone u shaya mushumo na vhuludu kha Mathilda, o vhona zwi khwine u wana zwine anga ita hu nḓila ya u ḓi mbvumbvusa, zwa zwino uḓi mbvumbvusa uho ho sika bindu. Mathilda (34) a bvaho Gondeni ḽa Mabilu, nnḓa ha Ṱhohoyanḓou, u tshimbidza bindu iḽo zwavhuḓi naho e na khaedu ya u vhaisala mulenzhe muthihi. Bindu iḽo ndi ḽa u vhaḓa zwibveledzwa uya nga u fhambana ḽine ḽa vhidzwa Mathilda Mamatseane Creations.

U shuma e hayani, Mathilda u vhaḓa zwishumiswa zwa nḓuni u fana na maṱafula mahulwane na maṱuku, na zwishumiswa zwi fanaho a dzi mpfo, dziṱhirei, ndilo na zwinwe zwinzhi, zwoṱhe izwo u tou vhaḓa nga mabulannga.

Mathilda uri u thoma hawe hovha ho ḓala u nyama. “Ndi muthu are na ṱhanziela dza magudedzini, ndi na dipiḽoma ya Human resource management ubva gudedzini ḽa Yunivesithi ya Johannesburg, nda dovha hafhu ndavha na dipiḽoma (PGDip) ya zwa mulayo. Naho ndi na ṱhanziela idzo dzoṱhe, u wana mushumo ndi mushumo u songo leluwaho kha nṋe. Ndovha ndi na mushumo ngei ofisini dza nṱha dza bannga ya Nedbank fhedzi nda xetshelwa nga mushumo hu tshi ṱaha vhulwadze ha Covid-19. Nga u vhona uri ahuna hune nda khou phuletshedza khazwa mushumo ndo vhona hu khwine uḓi sikela mushumo,” u amba.

U wana zwishumiswa kha bindu ḽawe azwingo leluwa. U fanela u ṱoḓa dzi thanda na mabulannga thavhani, hone kha zwezwo u fanela u shumisa zwiendedzi na zwishumiswa zwo khetheaho. “Hu na dzi khaedu nnzhi dzine nda ṱangana nadzo kha mushumo wanga, zwihulu sa izwi ndi na mulenzhe usa shumi zwavhuḓi. Ndi takalela u wana mitshini yo teaho uri ndi kone u shuma zwavhuḓi na u bveledza zwibveledzwa zwanga. Ndi tou livhuwa ndi tshi kona u zwine nda kona namusi. Zwi a nṱuṱuwedza u itela vhanzwe vhathu zwithu zwavhuḓi. Naho ndi na vhuholefhali, thi nga ḓo laṱela thaula ngauri zwine nda tama u zwi bveleldza ndi ḓo kona u zwi bveledza,” a amba.

Date:06 December 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 238